ನೀ ನೀಡಿದ ನೋವು

ನೀ  ನೀಡಿದ ನೋವು ಹನಿ ಹನಿಯ
ಜಡಿಮಳೆಯಂತೆ ನನ್ನೆದೆಯಂತರಂಗದ
ಪಾತಾಳದ ಕೆಸರಾಗಿದೆ, ಎಷ್ಟೆ ನುಂಗಿದರು
ಬತ್ತದ ಸೆಲೆಯಾಗಿದೆ, ಅದನ್ನೇಷ್ಟೆ
ಮರೆಯಲೆತ್ನಿಸಿದಾದರೂ ಒಣಗದ
ರಾಡಿಯಂತಾಗಿದೆ

ಎಷ್ಟೋ ಯತ್ನಿಸಿದೆ ನಿನ್ನ ನಗುವಿನ
ಮಾತಿನ, ಮುತ್ತಿನ, ಮೌನದ,
ಮುನಿಸಿನ, ಮುಂಗೋಪದ ಹನಿಗಳನೆಲ್ಲವ 

ಮತ್ತೆ ಒಸರದಂತೆ ಬತ್ತಿಸಲು ಆದರದಾಗಲೇ ಇಲ್ಲ
ತೂತು ಬಿದ್ದ ತೆಪ್ಪದಂತಿನ್ನೂ ಬಸೆಯುತ್ತಲೇಯಿದೆ

ಮೊಗ್ಗು ಹೂವಾಗುವ ಮುನ್ನ ಬಾಡಿದಂತೆ
ಕಾಯಿ ಹಣ್ಣಾಗುವ ಮೊದಲೇ ಉದುರಿದಂತೆ
ಹಾಲು ಮೊಸರಾಗುವ ಮುನ್ನವೇ ವಡದಂತೆ
ನನ್ನ ಪ್ರೀತಿಯು ಬಲಿಯುವ ಮೊದಲಿಗೆ
ಕತ್ತರಿಸಿಬಿಟ್ಟೆ ರಂಬೆಯಂತೆ

ದೇವರಿರದ ಗುಡಿಯ ಸುತ್ತಿ ಸುತ್ತಿ
ಕಾಲು ನೋವು ಬಂದಂತೆ
ರಸವಿರದ ಹೂವುನು ಸುತ್ತಿ ಸುತ್ತಿ
ದುಂಬಿಯ ರೆಕ್ಕೆ ಸೋತಂತೆ
ಪ್ರೀತಿಯನರಿಯದ ನಿನ್ನ ನಾ ಸುತ್ತಿ ಸುತ್ತಿ
ಬದುಕಿರುವೆನಲ್ಲೆ  ಸತ್ತಂತೆ

ನಿನ್ನಿಂದ

ನಿನ್ನಿಂದ ಎಲ್ಲ ಕಳೆದುಕೊಂಡೆ
ಹಿನ್ನೀರಿಗೆ ಹಾಳಾದ ಗದ್ದೆಯಂತೆ
ಹಣ, ಗುಣ, ಊಟ, ನಿದ್ದೆ
ಸಮಯ, ದುಡಿಮೆ, ಎಲ್ಲರೊಂದಿನ
ಒಡನಾಟವನೆಲ್ಲವ ಹರಿಯಬಿಟ್ಟೆ
ಬಂಜರು ನೆಲಕೆ ನೀರುಣಿಸಿದ ಹಾಗೆ

ನಾನೇಣಿಸಿರಲಿಲ್ಲ ನೀನು ಕೋಗಿಲೆ
ರೂಪದ ಕಾಗೆಯಂದು, ಹಾಲಿನ
ರೂಪದ ಸಿಹಿವಿಷವೆಂದು ನೋಡು...
ಹಣ, ಗುಣ ನಾ ಮರಳಿ ಗಳಿಸಬಲ್ಲೆ
ಆದರೆ ನನ್ನ ಸಮಯ, ನನ್ನವರೊಂದಿನ
ಒಡನಾಟದ ಕ್ಷಣಗಳನ್ನ ಗಳಿಸಬಲ್ಲೇನೇನೆ?

ನನಗನ್ನಿಸುತಿದೆ ಮರೆಯದ ರೂಪವ
ತೊರಿಸಿ, ಮಾಸದ ಕಹಿ ನೆನಪುಗಳ
ಉಳಿಸಿಬಿಟ್ಟೆ, ನಿನ್ನಂದದಷ್ಟು ನಿನ್ನ
ಗುಣವು ಮೌಲ್ಯವಾಗಿದ್ದರೆ ಎಷ್ಟು
ಸುಂದರವಾಗುತ್ತಿತ್ತು ನಮ್ಮಿಬ್ಬರ
ಬದುಕು....

ಮರೆಯಲಾಗದ, ಅಳಿಸಲಾಗದ, ಹೇಳಲಾಗದ
ಸಾವಿರಾರು ನುಡಿಗಳ ನನ್ನೆದೆಯ ಗರ್ಭಕೆ ತುರುಕಿಬಿಟ್ಟು
ನಮ್ಮಿಬ್ಬರ ಬಂಧನದ ಮಾತನ್ನು ಮಿಸುಕಾಡಲು ಬಿಡದಂತೆ 

ನೋವಿನ, ಮೌನದ ಬೀಗವ ಹಾಕಿಬಿಟ್ಟೆ ನನ್ನದರಕೆ

ಕರಗದ ಹಗಲನು, ಮಲಗದ ಕತ್ತಲನಷ್ಟೆ ಬಟ್ಟುಬಿಟ್ಟೆ 

ನನ್ನ ಬಾಳಿಗೆ

ನಿನ್ನಿಂದ

ನಿನ್ನಿಂದ ಎಲ್ಲ ಕಳೆದುಕೊಂಡೆ
ಹಿನ್ನೀರಿಗೆ ಹಾಳಾದ ಗದ್ದೆಯಂತೆ
ಹಣ, ಗುಣ, ಊಟ, ನಿದ್ದೆ
ಸಮಯ, ದುಡಿಮೆ, ಎಲ್ಲರೊಂದಿನ
ಒಡನಾಟವನೆಲ್ಲವ ಹರಿಯಬಿಟ್ಟೆ
ಬಂಜರು ನೆಲಕೆ ನೀರುಣಿಸಿದ ಹಾಗೆ

ನಾನೇಣಿಸಿರಲಿಲ್ಲ ನೀನು ಕೋಗಿಲೆ
ರೂಪದ ಕಾಗೆಯಂದು, ಹಾಲಿನ
ರೂಪದ ಸಿಹಿವಿಷವೆಂದು ನೋಡು...
ಹಣ, ಗುಣ ನಾ ಮರಳಿ ಗಳಿಸಬಲ್ಲೆ
ಆದರೆ ನನ್ನ ಸಮಯ, ನನ್ನವರೊಂದಿನ
ಒಡನಾಟದ ಕ್ಷಣಗಳನ್ನ ಗಳಿಸಬಲ್ಲೇನೇನೆ?

ನನಗನ್ನಿಸುತಿದೆ ಮರೆಯದ ರೂಪವ
ತೊರಿಸಿ, ಮಾಸದ ಕಹಿ ನೆನಪುಗಳನ್ನಷ್ಟೆ
ಉಳಿಸಿಬಿಟ್ಟೆ, ನಿನ್ನಂದದಷ್ಟು ನಿನ್ನ
ಗುಣವು ಮೌಲ್ಯವಾಗಿದ್ದರೆ ಎಷ್ಟು
ಸುಂದರವಾಗುತ್ತಿತ್ತು ನಮ್ಮಿಬ್ಬರ
ಬದುಕು....

ಮರೆಯಲಾಗದ, ಅಳಿಸಲಾಗದ, ಹೇಳಲಾಗದ
ಸಾವಿರಾರು ನುಡಿಗಳ ನನ್ನೆದೆಯ ಗರ್ಭಕೆ ತುರುಕಿಬಿಟ್ಟು
ನಮ್ಮಿಬ್ಬರ ಬಂಧನದ ಮಾತನ್ನು ಮಿಸುಕಾಡಲು ಬಿಡದಂತೆ ನೋವಿನ, ಮೌನದ ಬೀಗವ ಹಾಕಿಬಿಟ್ಟೆ ನನ್ನದರಕೆ, ಕರಗದ ಹಗಲನು, ಮಲಗದ
ಕತ್ತಲನಷ್ಟೆ ಬಿಟ್ಟುಬಿಟ್ಟೆ ನನ್ನ ಬಾಳಿಗೆ

ಶರಣ

ಕುಡಿಯುವ ನೀರು
ವಿಷವಾದರೆಂತಯ್ಯ
ಸುರಿಯುವ ಮಳೆಯು
ಬೆಂಕಿಯಾದೊಡೆಂತಯ್ಯ
ತಾಯಿ ಮಗನಿಗೆ ವ್ಯೆರಿಯಾದೊಡೆ
ಯಾರಗೆ ದೂರಲಿ ಶರಣ

ಏನೆಂದು ಬರೆಯಲಿ

ಏನೆಂದು ಬರೆಯಲಿ ನಾ
ಲೋಕದ ತಿರುಗ ಕಂಡು
ಏನೆಂದು ಅರಿಯಲಿ ನಾ
ಲೋಕದ ಸತ್ಯವ ಕಂಡು

ಹುಟ್ಟಿದ ಕೂಡಲೆ ತಾಯಿಯ
ಎದೆಹಾಲಿಗೆ ಬಾಯಿ ತೆರೆಯುವ
ಮಗ ಮಮತೆಯನುಣ್ಣುತ್ತಾನೆ
ಮದುವೆಯ ನಂತರ ಮಡದಿ
ಎದೆಯ ಬಯಸುವ ಮಗ
ಕಾಮವನುಣ್ಣುತ್ತಾನೆ 

ನದಿಯು ತನ್ನ ಹುಟ್ಟುಗುಮವ ಬಿಟ್ಟು
ಶರದಿಯನು ಸೇರುವಂತೆ
ಹೆತ್ತೊಡಲ ಮರೆತು
ಕಾಮದೊಡಲ ಸೇರುವ ಮಗನೇ...
ಜೀವವಿತ್ತವಳ ಮರೆತು
ದೇಹವಿತ್ತವಳನು ಸೇರುವೆಯಲ್ಲೋ

ತಾಯಿ ಹೆಣ್ಣೆ, ಮಡದಿ ಹೆಣ್ಣೆ
ಇವೆರಡರಂತರವನರಿತು
ಬಾಳು ಮಗನೇ
ತಾಯಿ ಮಡಿಲು ತಂಪು
ಮಡದಿ ಮಡಿಲು ಬೆಂಕಿ
ಮಡಿಲ ತಂಪಿನೊಳರಳುವೆಯೋ
ಮಡಿಲ ಬೆಂಕಿಯೊಳು ನರಳುವೆಯೋ

ಏನದು?

ಕದ್ದ ತಿಂದ್ರ ದಿಡ್ಡಿಗೆ
ದುಡಿದ ತಿಂದ್ರ ರೆಟ್ಟಿಗೆ
ಉಳುಮೆ ಮಾಡಿದ್ರ ಭೂಮಿಗೆ
ಚೀಲ  ರಾಶಿ ಮನೆಗೆ

ಸಹಿಸೋದು

ಹದಮಾಡಿದ ಹೊಲನ
ಸಾಕಷ್ಟು ನೀರನ್ನ ನುಂಗತ್ಯೆತಿ
ಬದುಗಟ್ಟಿದ್ದ ಕೆರಿನ ಸಾಕಷ್ಟು
ನೀರನ್ನ ಹಿಡದಿಡತ್ಯೆತಿ

ಹದವಾದ ಮನಸ್ಸಿದ್ರನ
ಸುಖ-ದುಃಖನ ನುಂಗತ್ಯೆತಿ