ಹುಟ್ಟುಗುಣ

ಹಾವಿಗೆ ಹಾಲು ಹಾಕಿದ್ರು
ಅದು ಕಚ್ಚೊದ್ನ ಬಿಡೊದಿಲ್ಲ
ನಾಯಿಗೆ ಮ್ರಷ್ಟಾನ್ನ ಬಡಿಸಿದರು
ಅದು ಹೇಸ್ಗಿ ತಿನ್ನೊದನ್ನ ಬಿಡೊದಿಲ್ಲ

ಚಿಗುರು

ಉರಿದ ಕೊರಡನು ನೆಟ್ಟು
ನೀರುಣಿಸಿದೊಡೆ ಚಿಗುರೊಡೆಯುವುದೇ ?

ಬೆಂದ ಕಾಳುಗಳನು
ಉತ್ತಿ ಬಿತ್ತಿದೊಡೆ ಚಿಗುರೊಡೆಯುವುದೇ ?

ಚಿಕ್ಕದು

ಮದಸಲಗದ
ಸದ್ದಡಗಿಸುವುದೊಂದಿರುವೆ
ಕೇಸರಿಯ ಸೊಕ್ಕನ್ನು
ಮುರಿಯಿತೊಂದು ನೊಣ
ಮಹಾಬಂಡೆಯನೆ
ಸಿಳಿತೊಂದುಳಿ
ದಟ್ಟಡವಿಯನೆ
ಸುಟ್ಟುಹಾಕಿತೊಂದು ಕಿಡಿ
ದೊಡ್ಡ ನಾವೆಯೊಂದನೆ
ಮುಳುಗಿಸಿತೊಂದು ರಂದ್ರ
ಆಂಗ್ಲ ಸಾಮ್ರಾಜ್ಯವನೆ
ನಡಗಿಸಿತೊಂದು ದಂಗೆ
ಭಯಂಕರ ರೋಗವನೆ
ಹತ್ತಿಕ್ಕಿತೊಂದು ಲಸಿಕೆ
ಆರಡಿ ದೇಹವನೆ
ಮಲಗಿಸುವುದೊಂದು ಸೊಳ್ಳೆ

ಚಿಕ್ಕದು, ಸಣ್ಣದೆಂಬ
ತಿರಸ್ಕಾರವಿರದಿರಲಿ

ಉಪಯೋಗ

ಹಸು ಹಾಲ ಕರಿದಿದ್ರ
ಕಟ್ಕನ್ಗೆ ಮಾರ್ತಾರ
ಕೋಳಿ ಮೊಟ್ಟಿ ಹಾಕದಿದ್ರ
ಕುತ್ಗಿನ ಕೊಯ್ತಾರ
ಮರ ಹಣ್ಣು ಬಿಡದಿದ್ರ
ಬಡ್ಡಿನ ಕಡಿತಾರ
ಬಳ್ಳಿ ಹೂ ಕೊಡದಿದ್ರ
ಬೇರಿಂದ್ಲೆ ಕಿತ್ತೊಗಿತಾರ

ಕೆರಿಗೆ ನೀರು ಬಂದಿಲ್ಲಂತ
ಮೈದಾನ ಮಾಡ್ತಾರ
ಬಾವ್ಯಾಗ ನೀರಿಲ್ಲಂತ
ಮುಚ್ಚಿ ಗುಡಿನ ಕಟ್ತಾರ
ಹಳ್ಳಾಗ ನೀರಿಲ್ಲಂತ
ಕಸದ ರಾಶಿನ ಹಾಕ್ತಾರ
ಸಮುದ್ರ ಸಿಹಿಯಿಲ್ಲಂತ
ಅದ್ಕ ಬರೀ ವಿಷಾನ ಬಿಡ್ತಾರ 

ಜನರಿಗೆ ಉಪಯೋಗಕ್ಕೆ
ಬರದಿದ್ರೆ ಯಾವದನ್ನೂ
ಉಳಿಸೊದಿಲ್ಲ

ಮಗಳು..

ಹಸುವಿನ ಬಣ್ಣಕ್ಕಿಂತ ಹೆಚ್ಚು
ಹಸುವಿನ ಹಾಲಿಗಿಂತ ಹೆಚ್ಚು
ಯವ್ವಾ, ನನ್ನ ಮಗಳು
ತೊಟ್ಟಿಲ್ಕ ಹಾಕಿ ತೂಗಿದ್ರ
ತೊಟ್ಟಿಲ ತುಂಬಾ ಬೆಳಕು

ಚೆಲ್ವಿ

ಏಳ ಮೊಳ್ದ ನೀರ್ಗಿ
ಸೀರಿ ಉಟ್ಟಾಳ
ಮೂರ ಮೊಳ್ದ ಮಲ್ಗಿ
ಹೂವಾ ಮುಡದಾಳ

ಸೂರ್ಯನ ಬಣ್ಣಾನ
ಹಣಿಗೆ ಇಟ್ಕೊಂಡಾಳ
ಗುಲಾಬಿ ಬಣ್ಣಾನ
ತುಟಿಗೆ ಹಚ್ಕೊಂಡಾಳ

ಮೊಖದ ತುಂಬಾ
ನಾಚ್ಕಿ ತುಂಬ್ಕೊಂಡಾಳ
ನಡ್ಗಿ ತುಂಬ
ನಡತಿ ಉಳ್ಸಕೊಂಡಾಳ

ನಮ್ಮವ್ವ

ಬಣ್ಣ ಬಣ್ಣದ ಸೀರಿ
ನವಿಲು ಚಿತ್ತಾರದ
ರೇಷ್ಮೆ ಸೀರಿ
ಏನ್ಮಾಡ್ಲಿ
ಎದೆ ಮ್ಯಾಲಿನ
ಸೇರಗ ಆಗಲಿಲ್ಲಂದ್ರ
ಏನ ಬಂತ ನಮ್ಮವ್ವ

ಮುತ್ತಿನ ಮೂಗುತಿ
ಹರಳಿನ ಬೆಂಡಾಲಿ
ಜೊಡು ಕೈ ಬಳೆ
ಏನ್ಮಾಡ್ಲಿ
ಹಣಿಮ್ಯಾಲಿ ಹುಡಿ
ಕುಂಕ್ಮನ ಇಲ್ಲಂದ್ರ
ಏನ ಬಂತ ನಮ್ಮವ್ವ

ಊರ್ಗೆ ಸಾವಕಾರ
ಕಾರು ಮೋಟಾರು
ನೆಲಕ್ಕೆ ಮುಟ್ಟದ ಕಾಲು
ಏನ್ಮಾಡ್ಲಿ
ಒಂದ ಹೆಣ್ಣಿಗೆ  ಒಬ್ಬ ಗಂಡ
ಆಗದಿದ್ರ
ಏನ ಬಂತ ನಮ್ಮವ್ವ

ಮಳಿಗೆ ಊರು
ತಂಪಾಗ್ಯೆತಿ
ಕರ್ಲು ಸಂಪಾಗ್ಯೆತಿ
ಏನ್ಮಾಡ್ಲಿ
ಮಡಿಲಾಗ ಒಂದ
ಹಸ ಇಲ್ಲಂದ್ರ
ಯಾರಿಗೆ ಹೇಳ್ಲೆ 
ನಮ್ಮವ್ವ