ಕೊಡ್ತಾರಂತಂದು ಹೆಗ್ಲಮ್ಯಾಲ
ಹೊತ್ಗೊಂಡ ಬಂದ್ಬಿಡೋದೇನೊ ತಮ್ಮಾ..
ಅದನ್ನ ಪಡೆಯೊ ಯೋಗ್ಯತೆನು
ನಿನ್ಹತ್ರ ಇರ್ಬೇಕಲ್ಲೊ ತಿಮ್ಮಾ...
ಪುಗ್ಸಟ್ಟೆ ಹೆಣ್ಣ ಸಿಗತೈತನಕೊಂಡು
ಮನಿಗೆ ಹೊತ್ಗೊಂಡ ಬಂದ್ಬಿಡೋದೇನೊ
ತಮ್ಮಾ...
ಜಾನ್ಕಿ...ಪಾಂಚಾಲಿ ಮೆಟ್ಟ ನೆಲ ಇದು...
ಸುಟ್ಟು ಬೂದಿಯಾಗಿ ಹೋದಿಯೊ ತಿಮ್ಮ
ಬೆವ್ರ ಹರ್ಸಿ ಬೆಳ್ಸಿದ ಬೆಲೆ ನಿನಗೇನ
ಗೊತ್ತೈತೊ ತಮ್ಮಾ...
ಅಪ್ಪಾ ಮಾಡಿಟ್ಟ ಹಾದರ ಹಣ್ದಾಗ
ಮಜಾ ಮಾಡೋರಾ ಭಾಳ ಮಂದಿ
ಅದಾರ ನೋಡ್ತಿಮ್ಮಾ...
ಮೂರು ಬಿಟ್ಟೊರು ದೇಶಾನ ಆಳಾಕ
ಹೊಂಟಾರೊ ತಮ್ಮಾ...
ಮೂರು ಮುಚ್ಕೊಂಡು ಮನಿಯಾಗ ಕುಂತೊರು
ಸಿಡಿದೆದ್ರ... ಇವ್ರ ಕೋಪದ ತಾಪಕ್ಕ ಸಿಕ್ಕ
ಸುಟ್ಟ ಬೂದಿಯಾಗ್ಹೊಕ್ಕಾರೊ ತಿಮ್ಮಾ..
