ಮುನಿಸು

ಮುಡಿಗೆ ಮಲ್ಲಿಗೆ ಮುಡಿಸುವ
ಮೊದಲೇ ಮುನಿಸಿಕೊಂಡೇಕೆ?
ಮಾತ ಮತ್ತಲಿ ಮರೆಸುವ
ಮುನ್ನವೇ ಮೌನವಾದೇಕೆ?
ಮನದ ಮೂಡಣದಿ ಮೂಡುವ
ಮುಂಚೆಯೇ ಮರೆಯಾದೆಯೇಕೆ?

ಹರುಷದ ಹೊನಲು ಹಸಿರಾಗಿಸದೆ
ಹಗೆಯಾಗಿಸಿದೇಕೆ?
ಹುಸಿಯಿರದ ಹಸನಾದ ಹಾದಿಗೆ
ಹೂವಾಗಲಿಲ್ಲವೇಕೆ?
ಹವಳದಂತಹ ಹರೆಯದ ಹೊತ್ತುಗಳ
ಹಾರವಾಗಿಸಲಿಲ್ಲೇಕೆ?

ಕಂಡು ಕಾಣದಂತೆ ಕತ್ತಲಲ್ಲಿ
ಕರಗಿಬಿಟ್ಟು
ಕಾಣದಾ.. ಕಲ್ಪನಾ... ಕನ್ನಡಿಯಲ್ಲಿ
ಕುಳಿತುಬಿಟ್ಟೆ
ಕಂಡ ಕನಸುಗಳನೆಲ್ಲವ ಕೊಳ್ಳಲೀನ್ನೂ
ಕಾಯಿಸುತಿರುವೆ

ಮರೆತುಬಿಡು ಮನದ ಮುನಿಸು
ಮಲಗಿ ಮಡಿಲಲೆನ್ನ ಮರೆಸು
ಮೂಡಲಿ ಮೊಗದಲಿ ಮಂದಹಾಸ
ಮುರಿಯೋಣ ಮನಗಳೆರಡ ಮೌನವಾಸ