ಯುಗಾದಿ

ಭೂದೇವಿಯು ಯೌವ್ವನಕೆ ಕಾಲಿಟ್ಟು
ಚಿಗುರೆಲೆಗಳ ಸೀರೆಯ ಹೊದ್ದು
ಮಾವು ಬೇವಿನ ಹೂವ ಮುಡಿದು
ಸೂರ್ಯ ರಶ್ಮಿಗೆ ಮಿನುಗುವ ಚಿಗುರೆಲೆಯ
ಮಿಂಚನು ಒಡವೆಯಾಗಿ ತೊಟ್ಟುಕೊಂಡು
ಹೊಂಗೆಯ ನೇರಳಲಿ ಕುಳಿತುಕೊಂಡು
ಬಾನಿಗೆ, ವಧು ಪರೀಕ್ಷೆಯ ಕುವರಿಯಂತೆ
ಕಂಗೊಳಿಸುತಿಹಳು

ಇವಳ ಸೊಬಗಿಗೆ ಸೋತು ಸುರಿಸಲಿ
ಪ್ರೇಮ ಸಿಂಚನದ ಮಳೆ ಹನಿಗಳ
ಬಾಯಾರಿ ಬಳಲಿದ ಭೂದೇವಿಯ
ಒಡಲು ತಣಿವಾಗಿ, ನಿಮ್ಮಿಬ್ಬರ
ಒಲವಿನ ಕುರುಹುವಾಗಿ ಹಸಿರುಸಿರು
ಉಸಿರಲಿ, ತರುಲತೆಗಳ ಕೊರಡುಗಳಲಿ
ಪ್ರೇಮ ಕಾಣಿಕೆಗಳು ಚಿಗುರಿ, ವಸಂತ
ಗಾಯನವ ಹರಿಸಿ, ನರರ ಸುಂದರ
ಬದುಕಿಗೆ ಮುನ್ನುಡಿಯ ಹೊಸೆಯಲಿ