ಕೇಳು ಹೆಣ್ಣೆ

ಕೇಳು ಹೆಣ್ಣೆ ನಾನು ರಾಮನಲ್ಲ
ಮದುವೆಯ ನಂತರ ನಿನಗೊಬ್ಬಳಿಗೆ
ನಿಷ್ಠೆಯಾಗಿರುವವನಲ್ಲ ಹಾಗಂತ
ರಾವಣನ ಹಾಗೆ ಪರ ಸ್ತ್ರೀ ಯನ್ನು
ಮನೆಗೆ ಎತ್ತಿಕೊಂಡು ಬರುವುದಿಲ್ಲ
ಯಾಕೆಂದರೆ ಬಿ.ಪಿ.ಎಲ್ ಕಾರ್ಡಿನಲ್ಲಿ
ಅವಳ ಹೆಸರನ್ನು ನಮೂದಿಸಲಾಗುವುದಿಲ್ಲ

ಅರಿತಿಕೊ ಹೆಣ್ಣೆ ನಾನು ಭೀಮನಲ್ಲ
ಮದುವೆಯ ನಂತರ ನಿನ್ನನ್ನು
ಅವಮಾನಿಸಿದವರ ಎದೆಬಗೆಯುವನಲ್ಲ
ಹಾಗಂತ ನಾನೇನು ದುಶ್ಯಾಸನನೇನಲ್ಲ
ದಾಸಿಯ ಸೀರೆಯ ಸೇರಗನು ಈಗ
ಎಳೆಯಲಾಗುವುದಿಲ್ಲ ಯಾಕಂದರೆ
ಇತ್ತೀಚೆಗೆ ನಮ್ಮನೆ ಕೆಲಸದಾಕೆ
ಚೂಡಿಯನ್ನು ಧರಿಸಿರುತ್ತಾಳೆ

ತಿಳಿದಿಕೋ ಹೆಣ್ಣೆ ನಾನೇನು ಶಿವನಲ್ಲ
ಪಾರ್ವತಿಯ ಪ್ರೀತಿಗೆ ಅರ್ಧ ದೇಹವನೆ
ನೀಡಿ ಅರ್ಧನಾರೀಶ್ವರ ನಾಗುವನಲ್ಲ
ಹಾಗಂತ ನಿನ್ನನ್ನು ನನ್ನ ಶರೀರದ
ಅರ್ಧ ದೇಹದಲ್ಲಿ ತೂರಿಸಿಕೊಳ್ಳಲು
ಆಗುವುದಿಲ್ಲ ಯಾಕಂದರೆ ನಿನಗಿಂತ
ನನ್ನ ಹೊಟ್ಟೆ ಸ್ವಲ್ಪ ದಪ್ಪ ಅದಕ್ಕೆ