ಛೆ...ಅದೇಷ್ಟು
ಸಂಜೆಗಳನ್ನು ಕಳೆದುಬಿಟ್ಟೆ
ನೀನಿಲ್ಲದೆ, ನಿನ್ನರಿವಿಲ್ಲದೆ
ಅದೇಷ್ಟು ಪದಗಳ
ಮರೆತುಬಿಟ್ಟೆ, ಕೊಂದುಬಿಟ್ಟೆ
ಅರಿತರಿವಿಲ್ಲದೆ
ಅರ್ಥವಿಲ್ಲದವರೊಡಗೂಡಿ
ಸರಣಿ ವಾಹಿನಿಗಳ ನೋಡಿ
ವ್ಯರ್ಥದಾರಿಯೊಳಡ್ಡಾಡಿ
ಓದದೆ, ಅರಿಯದೆ, ಅನುಭವಿಸದೆ
ಬರೆಯಲೆದ್ದು ಕತ್ತು ಹಿಸುಕಿದೆ, ವಿಲವಿಲನೆ
ಒದ್ದಾಡಿಸಿಬಿಟ್ಟೆ ಕವಿತೆ ಹುಟ್ಟುವ ಮೊದಲೆ...
ಕ್ಷಮಿಸಿಬಿಡಿ ಅಕ್ಷರಕಳೆ
ಹುಟ್ಟುವಾರ್ಧದಲೆ ಸಾಯಿಸಿ
ಅರೆಬೆಂದ ಕವಿ ಥೂ...
ಹಾಗೆನ್ನಲೆನಗೆ ನಾಚಿಕೆ
ಅವಮಾನ, ಸಂಕಟ
ಎಲ್ಲವಡಗೂಡಿ ಅಪರಾಧಿ
ಭಾವನೆ ಟೀಸುಲೂಡೆಯುತಿಹುದು
ಮನದಲಿ....
ಮನ್ನಿಸಿ
ಅಕ್ಷರಗಳೆ
No comments:
Post a Comment