ಮುತ್ತು

ಎಲೆಯ ಮೇಲೆ ಕುಳಿತ
ಇಬ್ಬನಿ ಮುತ್ತು ನೀನು
ಅದನರಿಯದೆ ನನ್ನ
ಬಾಳಲಿ ನಿನ್ನ ಪೊಣಿಸ
ಬಂದೆ ನಾನು

ಮುತ್ತಿಕ್ಕಲಾಗದ, ಎತ್ತಿಡಲಾಗದ
ಪೋಷಿಸಲಾಗದ ಹನಿಯು ನೀನು
ಸವಿಯಲಾಗದ, ಬಳಸಲಾರದ
ಉಳಿಸಲಾಗದ  ಬಿಂದು ನೀನು

ಗೂಡಿನೊಳಗಿನ ಹನಿ ಜೇನಾಗಿದ್ದರೂ
ಸಾಕಿತ್ತು ನನಗೆ ಬಾಳ ಹಾಲಿನಲಿ
ಬೇರಸುತ್ತಿದ್ದೆ , ಹೂವಿನೊಳಗಿನ
ಗಂಧವಾಗಿದ್ದರೂ ನನ್ನೆದೆಗೆ ಇಳಿಸುತ್ತಿದ್ದೆ

ನೀನೊಂದು ಹಾವಿನ ಹಲ್ಲಿನ ವಿಷಬಿಂದು
ಕ್ಷೀರಸಾಗರದಲಿ ಹುಟ್ಟಿದ ಹಾಲಾಹಲವು
ಮನೆಮುರಿಯುವ ಮನಸ್ಸಿನ ಹುಡುಗಿ
ತುಂಬಿದ ಗಡಿಗೆಯ ಒಡೆಯುವ ಬೆಡಗಿ

ಹಾಲಾಗಿ ಕಂಡರೂ ಹಾಲಲ್ಲ ನೀನು
ಹೂವಾಗಿ ಕಂಡರೂ ಹೂವಲ್ಲ ನೀನು
ಎಲ್ಲ ಕಪಟವ ಬಲ್ಲವಳು ನೀನು
ಸಾಕಿನ್ನು ಜಾರಿಬಿಡು ಬಾಳ ಎಲೆಯ
ತುದಿಯಿಂದ