ಕಾಡುತಿವೆ ನೆನುಪುಗಳು

ಕಾಡುತಿವೆ ನಿನ್ನ ನೆನಪುಗಳು
ಸುಂದರವೊ, ವಿಕೃತವೊ
ಮುದ್ದಾದವೊ, ನೋವಾದವೊ
ಇನ್ನಾದರೂ ನನಗರ್ಥವಾಗುತಿಲ್ಲ

ಮರೆಯಲು ಪಟ್ಟ ಶ್ರಮವೆಲ್ಲ
ಮಳೆಯ ನೀರಂತೆ ಹರಿದು
ಹಳ್ಳವ ಸೇರಿದೆ, ಸೋತಿರುವೆನಾದರೂ
ಗೆಲ್ಲುವ ಛಲವೊಂದನ್ನು ಬಿಟ್ಟಿಲ್ಲ

ನೀನು ಜೊತೆಯಾಗಿದ್ದಾಗ
ನೀಡಿದ ನೋವಿಗಿಂತ ನಿನಿಲ್ಲದಿರೊ
ಆ ನೆನಪುಗಳು ಇನ್ನೂ ಕೊಲ್ಲುತಿವೆ
ನೆಮ್ಮದಿಯ ಉಸಿರು ಬಿಡದ ಹಾಗೆ

ಹರಿಶ್ಚಂದ್ರನಿಗೆ ನಕ್ಷತ್ರಿಕನು ಕಾಡಿದಂತೆ
ಲಕ್ಷ್ಮಣನಿಗೆ ಶೂರ್ಪನಖಿ ಕಾಡಿಸಿದಂತೆ
ರಾವಣನಿಗೆ ಜಟಾಯು ಪೀಡಿಸಿದಂತೆ
ಕಾಡುತಿವೆ ನೀನಿಲ್ಲದ ನೆನಪುಗಳು