ಬೆಳ್ಳ ಬೆಳ್ಳನೆ ಮೋಡ
ಬೆಳ್ಳಿ ಬಟ್ಟಲು ಮೋಡ
ಹಾಲು ಚೆಲ್ಲಿದ ಮೋಡ
ಏನಾತ
ಭೂಮಿಗೆ ನಾಕ
ಹನಿ ಮಳಿನ
ಹುಯ್ಯಲಿಲ್ಲಂದ್ರ
ಏನ ಬಂತ ನಮ್ಮವ್ವ
ಕಪ್ಪ ಕಪ್ಪಾನ ಭೂಮಿ
ಕಪ್ಪಾ ಬಯಲ ಸೀಮಿ
ಗಡಿಗೆ ತುಂಬಾ ಬಂಗಾರ
ಕೊಟ್ಟರು ಸಿಗದಂತ ಭೂಮಿ
ಏನಾತ
ಬಿತ್ತಿದ ನಾಕ ಕಾಳಿಗೆ ಜೀವ
ತುಂಬಲಿಕ್ಕಂದ್ರ ಏನ ಬಂತ
ನಮ್ಮವ್ವ
ಕೆರಿ ತುಂಬ ತುಂಬೈತಿ
ಬಿಸಲಿಗೆ ಥಳಥಳಂತ ಹೊಳಿತೈತಿ
ನೋಡ್ದೊರ ಕಣ್ಣಾಗ ತೇಲಾಕ ಹತ್ತೈತಿ
ಏನಾತ
ಊರಿಗೆ ಹೋಗೊ ಬರೋ ಜನರ ದಾಹನ
ಇಂಗಸಲಿಲ್ಲಂದ್ರ ಏನ ಬಂತ
ನಮ್ಮವ್ವ
No comments:
Post a Comment