ನಾನೆಂದೂ ಸತ್ತಿಲ್ಲ

ಬಯಸಿ.. ಬಯಸಿ ಪಡೆದ ಸಾವಲ್ಲ
ನಿನ್ನಳಿಸಲೆಂದೇ.. ನಾನಿಲ್ಲಿ ಮಲಗಿಲ್ಲ
ತುಂಬು ಪ್ರೀತಿಗೆ ಯಾರ ಕಣ್ಣು ತಾಕಿತೊ.. ಗೊತ್ತಿಲ್ಲ
ಎಷ್ಟೆ ಬೇಡಿದೆ..... ಜವರಾಯ ಮಾತ್ರ ಬಿಡಲಿಲ್ಲ

ನಿನ್ನ ಮುಡಿಗೇರಬೇಕಿದ್ದ ಸುಮಗಳೆಲ್ಲ
ನನ್ನ  ಗೋರಿಯ ಮೇಲಿವೆ
ಕಂಡ ಕನಸುಗಳೆಲ್ಲ ನನಸಾಗದೆ
ನನ್ನೊಡನೆ ಹೂತು ಮಲಗಿವೆ

ನಡು ದಾರಿಯಲ್ಲಿಯೆ ಬಿಟ್ಟು ಬಂದಿರುವೆ

ನಿನಗೆಂದೆ ಕೊಡುವ ಮುತ್ತು
ನನ್ನಲಿ ಉಳಿದು ಹೋಯ್ತು
ಬದುಕಿ ಬಾಳಬೇಕಾದ ದಿನಗಳೆಲ್ಲ
ಮಣ್ಣಲೆ ಬೇರೆತು ಹೊಯ್ತು
ನಿನ್ನ ಬಿಟ್ಟು ಬಂದ ಜಗವಿದು
ನೀನಿಲ್ಲದೆ ಬರಿದಾಯ್ತು