ನಮ್ಮವರಾರು....?

ನಮ್ಮರೆಂದು ನೋಡಿದರೆ ಲೆಕ್ಕಹಾಕಿ,
ಯಾರೀಹರು ? ಈ ಜಗದಿ....
ಮೂರು ಪರದೆಗಳ ನಾಟಕದಿ
ಬಂದು ಹೋಗುವ ಪಾತ್ರಗಳ
ನೆನಹುವವರಾರು ?

ನಕ್ಕಾಗ... ನಕ್ಕು ನಲಿದವರು,
ಅತ್ತಾಗ ಕಣ್ಣನೊರೆಸಿ ಸಾಂತ್ವಾನಿಸಿದವರು,
ಸಾಧನೆಯ ಹಾದಿಗೆ ಬೆಳಕಾದವರು,
ಮರೆಯಾಗುವವರೆ.... ಎಲ್ಲ ಹಾದಿಯ ಕೊನೆಗೆ.
ಉಳಿಯುವವರು ಕೇವಲ ನೆನಪಿಗೆ

ಎದೆಯ ಗಟ್ಟಿಗೊಳಿಸಿಕೊಂಡು,
ನಡೆಯಬೇಕಿದೆ ಬಾಳಿನುದ್ದಕು,
ಯಾರಿಲ್ಲದಿದ್ದರೇನು ಜೊತೆಗೆ,
ನೆಮ್ಮದಿಯ ನೀಡುವುದಿಲ್ಲವೆ
ಪುಸ್ತಕಗಳು ನೊಂದ ಮನಕೆ