ನಿಲ್ಲದು

ಮಳೆ ನಿಂತರು ಮರದ ಹನಿ ನಿಲ್ಲದು
ಮಾತು ಮುಗಿದರೂ ಕಣ್ಣೀರು ನಿಲ್ಲದು
ಹಾಡಿದ ನಂತರ ಅದರ ಗುಂಗು ಬಿಡದು
ಮರೆತ ಮೇಲೂ ಮನದ ನೆನಪು ಬಿಡದು

ಆಸೆ ಮಣ್ಣಾದರೂ ಕಾಣುವ ಕನಸು ಬಾಡದು
ಕಾರ್ಯ ಕೈಗೂಡದಿದ್ದರು ಆತ್ಮಸ್ಥೈರ್ಯ ಬಾಡದು
ದಾರಿ ಮರೆತರು ಹುಡುಕುವದು ಮರೆಯದು
ಸರಿ ಮಾಡಿದರೂ ತಪ್ಪು ಎಂದಿಗೂ ಮರೆಯದು

ಬದುಕು ಕೈ ಬಿಟ್ಟರು ಕಟ್ಟುವದು ಬಿಡಬಾರದು
ಸೋಲು ಕೈ ಹಿಡಿದರೂ ಗೆಲ್ಲಲು ಹೆದರಬಾರದು
ಊರು ನಿನ್ನ ಮರೆತರು ನಾಡ ಮರೆಯಬಾರದು
ನಾಡ ಮರೆತರೇನು ನಿನ್ನ ನೀ ಮರೆಯಬಾರದು

ಬದುಕಿನ ಬಂಡಿಯ ಹಾದಿ ನಿಲ್ಲದು
ಹೆದರಿ ಹಿಂದೆ ಉಳಿಯುವದು ಸಲ್ಲದು
ನುಗ್ಗಬೇಕಿದೆ ಮುನ್ನುಗ್ಗಿ ಯಾಕೆಂದರೆ
ನಾಳೆ ನಿನ್ನದು