ತಿಜೋರಿ

ನೋಡು ಒಮ್ಮೆ ಈ ಮನದ
ತಿಜೋರಿಯ ತೆರೆದು
ಬೆಳ್ಳಿಯಿಲ್ಲ ಬಂಗಾರವಿಲ್ಲ
ವಡವೆ ಹಾರಗಳಿಲ್ಲ
ಮುತ್ತು ರತ್ನಗಳಿಲ್ಲ
ನಿನ್ನ ನಗುವ
ಒಡುವೆಯೊಂದನು ಹೊರತುಪಡಿಸಿ

ಕಸಿದುಕೊಳ್ಳಬೇಡ
ಕಿತ್ತುಕೊಳ್ಳಬೇಡ
ತೆಗೆದು ಅಡವಿಡಬೇಡ
ನಿನ್ನ ನೆನಪಿಗಂತಿರುವದೊಂದೆ
ನಗುವಿನೊಡವೆ

ಮನದ ಲಕ್ಷ್ಮೀ ನೀನು
ಒಲವ ಫಲವನಿಯ್ಯುವ ದೇವಿ ನೀನು
ಪೂಜಿಸೊ ಪೂಜಾರಿ ನಾನು
ದರ್ಶನವ ಬೇಡುವ ಭಕ್ತನು ನಾನು
ಪ್ರಸನ್ನಳಾಗೇಯಾ
ಮನಸಿರಿಯ ದೇವಿಯೆ

ಕೀಲಿಯಿರುವದು ನಿನ್ನ ಕೈಯಲ್ಲೆ
ತೆರದಿಡದಿರು ಬಾಗಿಲ ನಲ್ಲೆ
ಕದಿಯುವವರು ಎಷ್ಟಿಲ್ಲ ಇಲ್ಲೆ
ನಿನ್ನಂತರಂಗವ ನಾನೇನ ಬಲ್ಲೆ