ಹಣತೆಗಳು ಎಷ್ಟೋ ಇವೆ ನನ್ನಲಿ
ಎಣ್ಣೆಯ ತರಲು ಬಲವಿಲ್ಲ ತೋಳಲಿ
ಖರೀದಿಸಲು ಎಷ್ಟೊಂದು ಹಣವಿದೆ ನಿಮ್ಮ ಜೇಬಲಿ
ಪಣತೆ ದೀಪವ ಹೊತ್ತಿಸುವಾಸೆಯಿಲ್ಲವಲ್ಲ ಮನದಲಿ
ಮಾಡಿಟ್ಟ ಹಣತೆಯ ಕೊಂಡೊಯ್ದು... ಮನೆಯ
ಕತ್ತಲು ಕಳೆಯಲು ದೀಪವ ಹಚ್ಚುವಿರಿ
ನೀವು ಕೊಟ್ಟ ಹಣದಲ್ಲಿ ನನ್ನ ಮನೆಯ
ಮೂಲೆಯ ಒಲೆಯು ಉರಿದು... ಸಂಸಾರ
ನೌಕೆಯೊಳಗಿನ ಪಯಣಿಗರ ಹೊತ್ತಿನೂಟವು
ದೊರೆಯುವುದು
ನೂರು ಸಾವಿರಗಳ ಕೊಟ್ಟು ರಂಗು ರಂಗೀನ
ವಿದ್ಯುತ್ ದೀಪಗಳ ಕೊಂಡೊಯ್ಯುವಿರಿ..
ಮನದ ಕೋಣೆಯ ಕತ್ತಲಲಿರಿಸಿ...ಮನೆಯ
ಮೈ ತುಂಬ ಬೆಳಕ ಚೆಲ್ಲುವಿರಿ...ವೈಭೋಗದ
ಹೆಸರಿನಲಿ...
No comments:
Post a Comment