ಅವಳ ನೆನಪುಗಳು

ಅವಳು ಬಿಟ್ಟು ಹೋದ ನೆನಪುಗಳು
ಕಪಿಗೆಯಾದ ಗಾಯದಂತೆ
ಮಾಸದು, ಕೆರೆಯುವದ ಬಿಡದು

ಅವಳೊಂದಿಗೆ ಕಳೆದ ದಿನಗಳು
ಹರಿದು ಹೋದ ಹಳ್ಳದಂತೆ
ನಿಲ್ಲದು, ಹಿಮ್ಮುಖವಾಗೆಂದೂ
ಹರೆಯದು

ನನ್ನೊಂದಿಗಾಡಿದವಳ ಮಾತುಗಳು
ಇರುಳಲಿ ಚೆಲ್ಲಿದ ತಾರೆಗಳಂತೆ
ಎಣಿಸಲಾಗದು, ಹುಡುಕಿದರೂ
ಹಗಲಲ್ಲಿ ಕಾಣಲಾರವು

ನನ್ನ ಬದುಕಿಗೆ ಅವಳು ನೀಡಿದ ಪ್ರೀತಿ
ಮರಳುಗಾಡಿನ ಮರಳು ದಿನ್ನೆಯಂತೆ
ಗಟ್ಟಿಯಲ್ಲದು, ಬಿಸುವ ಬಿರುಗಾಳಿಗೆ
ಕರಗಿ ಹಾರುವದು
ಇನ್ನೊಬ್ಬನ ಮನಕೆ ಪ್ರೀತಿಯ
ದಿನ್ನೆಯಾಗುವುದು