ಸ್ವಾದರ ಸೊಸಿ

ಸ್ವಾದರ ಸೊಸಿ
ಮಾಡಿದೆಲ್ಲ ನಮ್ಮಿಬ್ಬರ
ಪ್ರೀತಿಯ ಹುಸಿ

ಬಂದಿದ್ದೆನಲ್ಲ.....
ಮನೆಯವರೆಲ್ಲರನೂ ಎದುರಿಸಿ

ಕೊಳ್ಳಿಗೆ ಕಟ್ಗೊಂಡ ತಾಳಿ
ಹೊಂಟ ನಿಂತಿಯಲ್ಲ...
ನನ್ನ ಕಣ್ಣಾಗ ಕಣ್ಣೀರ ತರಿಸಿ

ಕರಕೊಂಡು ಹೊಂಟಾರ ನಿನ್ನ...
ಊರ ಬಜಾರದಾಗ ಮೆರೀಸಿ

ಒಮ್ಯಾರ ಇತ್ಲಾಗ ನೋಡೆರ ನೋಡ..
ಆ ಸೀರಿ ಸೆರಗನ್ನ ಸರಿಸಿ

ಉಡಿಯಾಗ ಉಡಿಯಕ್ಕಿ ಹಾಕ್ಕೊಂಡ
ದಾಟಿ ನಡದಿದಿ......ಊರಾನ ಅಗಸಿ

ತಾಳಲಾದೀತೇನ ಈ ಅಗಲಿಕೆಯ ಬಿಸಿ
ಎದೆಗೆ ಮಾಡ್ಹೊಂಟೆಲ್ಲ ಅದೆಂಥ ಘಾಸಿ

ಯಾವ ವೈದ್ಯನ ಸೂಜಿ ಮಾತ್ರೆಗಳು
ಮಾಡುತ್ತಿಲ್ಲ ವಾಸಿ
ಗುಣಪಡಿಸುವ ವೈದ್ಯರು ಯಾರಾದರೂ
ಇದ್ದರೆ.....ನಮ್ಮೂರಿಗೆ ಕಳಿಸಿ

ನಾನು ಗಜೇಂದ್ರಗಡದ ನಿವಾಸಿ