ಕಣ್ಮುಂದೆ....

ನಿನ್ನ ಕಣ್ಣಂಚಿನ ಕಾಡಿಗೆ
ಸಿಲುಕಿಸಿಬಿಟ್ಟಿದೆ ನಿನ್ನ ಪ್ರೇಮ ಬಲೆಗೆ
ಬಿಡಿಸಿಕೊಳ್ಳಲೇ....ಬಿಡುತ್ತಿಲ್ಲ ನಿನ್ನ ನಗೆ
ಮನವೋ...ಮೆತ್ತಗಾಗಿ ಬಿಟ್ಟಿದೆ ಆ ಪೆಟ್ಟಿಗೆ

ತಾಳಲಾರೆನು ಎದೆಯುರಿಯ ಬೇಗೆ
ನೀನೇದುರು ಬಂದು ನಿಂತರೆ ಹೀಗೆ
ಕೋರಿಕೆಯ ಅರಿಕೆ ಮಾಡಿಕೊಳ್ಳಲಿ ಹೇಗೆ
ನನ್ನ ನೋಡಿ....ನಕ್ಕು ನಡೆದುಬಿಟ್ಟರೆ ಹಾಗೆ

ಎಷ್ಟೇಂದು ನಡೆದು ಬರಲಿ ನಿನ್ನ ಹಿಂದೆ
ಪ್ರೀತಿಯಲಿ ನನಗಾರೂ ಇಲ್ಲವಿಲ್ಲಿ ಹಿಂದುಮುಂದೆ
ನೀನಿಲ್ಲದೆ...ನಾನೊಬ್ಬನೇ ಎಷ್ಟಿಲ್ಲಿ ಬೆಂದೆ
ದಯತೋರಿ ಬರಬಾರದೆ ಒಮ್ಮೆಯಾದರೂ
ಕಣ್ಮುಂದೆ