ಮೋಸ

ತೆರೆದ ಕಿಟಕಿಯ ಬಾಗಿಲುಗಳನ್ನು
ಮುಚ್ಚಿಬಿಡು ಸಾಕಿ.... ಇಂದು ಪೌರ್ಣಿಮೆ..
ಅವನಿಗೆ ಗೊತ್ತಾಗದಿರಲಿ ನಾ ಹೋದ ಮೋಸ
ಅವಳ ಮೇಲೆ ಅವನು...ಸಾಕಷ್ಟು ಒಲವಿನ
ನಂಬಿಕೆಯನ್ನಿಟ್ಟುಕೊಂಡಿದ್ದಾನೆ...

ಪೊಟ್ಟಣದಲ್ಲಿ ಕಟ್ಟಿ ತಂದ ಮಲ್ಲಿಗೆಯ
ಹೂವನ್ನು ಬಿಚ್ಚದಿರು ಸಾಕಿ...
ವಿರಹದ ತಾಪಕ್ಕೆ ಸಿಕ್ಕು ನಲುಗಿ ಹೋದಾವು..!!!
ನಿನ್ಮನೆಯ ಗೋಡೆಗೆ ನೇತು ಹಾಕಿರುವ ದೇವರ
ಪಟಕ್ಕಾದರು ಹಾಕಿಬಿಡು ಮುಕ್ತಿಗೊಳ್ಳಲಿ...

ಅಕ್ಕಸಾಲಿಗನು ಎಷ್ಟೊಂದು ಗೆಜ್ಜೆಗಳ ಪೋಣಿಸಿ
ಕೊಟ್ಟಿದ್ದಾನೆ ಅವಳ ಜಿಂಕೆ ಕಾಲ್ಗಳಿಗೆ....
ಎದೆಯ ಬಡಿತವೆ ನಿಂತು ಹೋಗುತ್ತಿರುವಾಗ,
ನನ್ನೆದೆಯ ಮೇಲೆ ಅವಳ ಅಂಗಾಲನ್ನಿಟ್ಟು...
ಕಾಲ್ಗೆಜ್ಜೆಯ ಕಟ್ಟಿ... ಅವಳೊಂದಿಗೆ ಹೆಜ್ಜೆ ಹಾಕಬೇಕೆಂದಿದ್ದ
ಸಂಜೆಯು... ಈಗಾಗಲೆ ಗೋರಿಯಲ್ಲಿ ಹೂತು ಹೋಗಿದೆ