ಬೆಂಕಿಯ ಹಚ್ಚಿ

ಕುಂತಿದ್ನೆಲ್ಲ... ಗೆಳತಿ ನೀ..
ಬರುವ ದಾರಿಯ ನೆಚ್ಚಿ
ಹೊರಟ ಹೋದೆಯಲ್ಲ ನಮ್ಮ
ಪ್ರೀತಿಯ ತೋಟಕ್ಕ.. ಬೆಂಕಿಯ ಹಚ್ಚಿ

ಎಷ್ಟಂತ... ತಡೆಹಿಡಿಲೇ..ಮಂದಿಮುಂದ
ಎದಿ ದುಃಖಾನ... ಅವುಡಗಚ್ಚಿ
ಎದುರಿಗೆ ಅತ್ತಂಗ ಮಾಡಿ.. ನಗ್ತಾರಲ್ಲೆ
ಎಲ್ಲಾ.. ಮನಿ ಬಾಗಿಲ ಮುಚ್ಚಿ

ನಿನ್ನ ನಂಬಿ ಕಟ್ಟಿದ್ನಲ್ಲೆ...
ಎಷ್ಟೋ ಆಶಾಗೋಪುರಗಳ... ಹುಚ್ಚಿ
ಕಂಡ ಕನಸಿನ ಕನ್ನಡಿ ಒಡ್ದ...
ನಕ್ಕೊತ ನಿಂತಿಯಲ್ಲ... ಮನಸ್ಸಿಗೆ
ಮುಳ್ಳನ್ನ ಚುಚ್ಚಿ

ಮಾಡಿದೆಲ್ಲ ಮಾಯದ ಗಾ...ಯಾನ
ವಾಸಿನರ.. ಹೆಂಗ್ ಮಾಡ್ಕೊಲಿ ನಾನು
ಪ್ರೀತಿ ಇಲ್ಲದ ಮುಲಾಮ ಹಚ್ಚಿ
ಬದುಕೊದು ಆಗೋದಿಲ್ಲಿನ್ನ ಹುಡುಗಿ
ಇಷ್ಟು ದಿವಸ ಬದುಕಿದ್ದ ಹೆಚ್ಚಾಗಿತ್ತು
ನೀ ಕೊಟ್ಟ ಮಾತನ್ನ ಮೆಚ್ಚಿ

ನಿಂಗೇನ ಗೊತ್ತೈತೊ... ಬೆಡಗಿ ನಿನ್ನ
ನೆಪ್ಪುಗಳು ಕೊಲ್ಲಾಕ ಹತ್ತಾವ ನನ್ನ
ಹಗಲಿರುಳು ಕೊಚ್ಚಿ... ಕೊಚ್ಚಿ...
ಕಿವಿಯೊಳಗ ಕುಂತ ನಗಾಡೋ.. ನಿನ್ನ
ನಗುವಿನ ಸದ್ಧಿಗೆ ಈರುಳೆಲ್ಲ
ಬಿಳ್ತೀನಿ ನಾ.. ಬೆಚ್ಚಿ ಬೆಚ್ಚಿ

ಕಡಿಗೊಂದ ಮಾತ ಕೇಳ್ತಿನಿ..
ಹಿಂಗ ನೀ ಬಿಟ್ಟ ಹೋಗೊದಾಗಿದ್ರ..
ಯಾಕರ ಮಳ್ಳ ಮಾಡೀದಿ ಮನಸನ್ನ
ಮಾತಿನ ಬೆಣ್ಣಿ ಹಚ್ಚಿ.. ಹಚ್ಚಿ..
ಬಿಟ್ಟ ಹೋದೆಲ್ಲ.. ನಿನೀಗ... ದುರ್ಗವ್ವನ
ಬಲಿಗೆ ಬಿಟ್ಟ ಕ್ವಾಣದ್ಹಂಗ.. ನಿನೀಲ್ಲದ
ನೋವಿನ ಬ್ಯಾನಿ ಸುಡ್ಲಾಕ ಹತ್ತೈತಿ ನನ್ನ ಕಿಚ್ಚಿ.. ಕಿಚ್ಚಿ..