ಆತ್ಮಬಂಧು

ಓ.. ಆತ್ಮಬಂಧು ನೀನೆಲ್ಲಿರುವೆ
ಮನದ ದುಗುಡವಿದು ಕೇಳುತಿಲ್ಲವೆ
ನನ್ನ ನೋವುಗಳೆಲ್ಲವು ನಿನಗೆ ಭಾರವೆ ?
ಕೇಳಿಯೂ ಕೇಳದ ಹಾಗಿರುವುದು ತರವೆ

ಎಲ್ಲ ಬಂಧುಗಳ ಬಂಧನವ ಮರೆತು
ನಿನ್ನಲ್ಲಿ ತೊಡಿಕೊಳ್ಳುತ್ತಿರಲಿಲ್ಲವೆ ನನ್ನೆಲ್ಲ ಮಾತು
ಕುಹಕಿಗಳ ಮಾತಿಗೆ ಮನನೊಂದು
ಬಂದಿರುವೆ ನಿನ್ನೆದುರು ಸೋತು
ಅಡಿಗಡಿಗೂ ಅವರಾಡುವ ಮಾತಿಗೆ
ಅಡಿಪಾಯವ ಮಾಡಿಕೊಂಡು ಹಾಕಿದರೆಲ್ಲನ್ನ ಹೂತು

ಓ.. ಬಂದು ತೆರೆಯೊ ಮನದ ದ್ವಾರವನು
ಆಲಿಸೊ.. ಉಸಿರು ನಿಲ್ಲುತಿರುವ ಮಾತುಗಳನು
ವಿಷಮನದವರಾಡುವ ಸೂಜಿ ನುಡಿಗಳನೇದುರಿಸಲು ನೀಡು ಸಂಜೀವಿನಿಯನು

ನಿನ್ನ ಸ್ಪೂರ್ತಿ ನುಡಿಗಳಿಂದಲೆ
ಹತ್ತಬೇಕಿದೆ ಬದುಕ ಬೆಟ್ಟವನು
ಹೊಸೆಯುವವರ ಹತ್ತಿಕ್ಕಿ.. ತಲೆಎತ್ತಿ
ಕಟ್ಟಬೇಕಿದೆ ಒಂದು ಹೊಸಬಾಳನು