ಒಲವೆ ಬಲವೆ

ಗೆಳತಿ..
ಎರಡು ತೋಳೊಳಗೆ ಬಂಧಿಯಾಗಿಬಿಡು
ಬಂದು ಲತೆಯು ಮರವ ತಬ್ಬುವ ಹಾಗೆ

ಮಲಗಿ ಎದೆಯ ಮೇಲೆ ಸುರಿಸೆ ನಿನ್ನೆಲ್ಲ
ದುಃಖದಶ್ರುಗಳನು ಚೂರು ಬಿಡದೆ

ಕಳೆದುಕೊಂಡು ಬಿಡು ನಿನ್ನೆಲ್ಲ ನೋವುಗಳ
ಗಂಗೆಯಲಿ ಭಸ್ಮವನೆಲ್ಲವ ಕರಗಿಸಿದ ಹಾಗೆ

ಇಳಿಸಿಬಿಡು ನಿನ್ನೆದೆಯ ಭಾರವನೆಲ್ಲವ
ನನ್ನೆದೆಯ ಗೂಡಿಗೆ.. ಹೊತ್ತು ಹಗುರಾಗಿಸುವೆ
ನಿನ್ನ ಮನವನು

ಮಾತಿನ ಹಕ್ಕಿಗಳ ರೆಕ್ಕೆಗಳ ಬಿಚ್ಚಿಬಿಡು
ಸ್ವಚ್ಛಂದವಾಗಿ ಹಾರಾಡಿ ಬರಲಿ ನಮ್ಮೊಲವಲಿ

ಮರೆಯದಿರು ಒಲವೆ ನೀ ನನ್ನ ಬಲವೆ
ನೀ ಹೀಗೆ ಅಳುವುದು ನಮ್ಮೊಲವಿಗೆ ತರವೆ