ಕೊಲ್ಲುವುದಾದರೆ

ಕೊಲ್ಲುವುದಾದರೆ ಕೊಂದುಬಿಡು
ಮಾತಿನ ತಿವಿತಗಳಿಂದ
ತಳ್ಳುವುದಾದರೆ ತಳ್ಳಿಬಿಡು ನಿನ್ನ ಹೆಸರ
ಹಿಡಿದು ಮತ್ತೆದ್ದು ಬಾರದ ಪ್ರಪಾತದಲಿ

ಕುಡಿಸುವುದಾದರೆ ಕುಡಿಸಿಬಿಡು
ಕಾರ್ಕೋಟವನು ಮಡಿಲಲಿ ಮಲಗಿಸಿಕೊಂಡು
ನಿಲ್ಲಿಸುವದಾದರೆ ನಿಲ್ಲಿಸಿಬಿಡು
ಈ ಉಸಿರನು ಮತ್ತುಸುರದಂತೆ

ನೀಡು ಜಗದ ನೋವುಗಳನೆಲ್ಲವ
ನನಗೆ ಭರಿಸುವೆ ಸಹಿಸುವೆ.... ನಲ್ಲೆ
ಒಂದೆ ಒಂದು ಹನಿ ನಿನ್ನ ಕಣ್ಣಿಂದ
ಜಾರಿದರೂ.. ಎದೆಯ ಬಡಿತವಿದು
ಮತ್ತೆ ಮಿಡಿಯದು

ನಿನ್ನ ಕಣ್ಣ ಬಿಂಬದಲ್ಲಿ ನನ್ನ ಬಿಂಬವೊಂದೆ
ತುಂಬಿರಬೇಕೆ ಹೊರತು ಕಣ್ಣೀರ ಕೊಳವದು
ಕಟ್ಟುವದು ತರವಲ್ಲ ನಾ ಸಹಿಸೊಲ್ಲ

ಮರೆತುಬಿಡು ನಾ ನಾಡಿದ ಮಾತುಗಳ
ಕೊಟ್ಟುಬಿಡು ಉಸಿರು ಬಿಡದೆ ಸವಿ ಮುತ್ತುಗಳ