ಅರಳಿದ ಕ್ಷಣವೆ

ಕಲಿಯ ಬಂದಿಹೆ ನಾನು
ನಿನ್ನ ಮನಕೆ ನೋವುಂಟು ಮಾಡುವ
ನನ್ನೀ.. ಅಧರಗಳಿಗೆ ಬೆಣ್ಣೆ ಮಾತುಗಳ
ಕಲಿಸಲು
ನನ್ನೆರಡು ತೋಳುಗಳನ್ನು ಇನ್ನಷ್ಟು
ಬಲಪಡಿಸಿ.. ಅಪ್ಪಿದ ನಿನ್ನನು ಬಾಳಲೆಂದು
ಕೈ ಬಿಡದ ಹಾಗೆ ಬಲಪಡಿಸಿಕೊಳ್ಳಲು
ನಿನ್ನಂದಕೆ ಮಾತ ಮುತ್ತುಗಳಷ್ಟೇ ಸಾಕೆ
ತೀರದಾಳದ ಹೊಳೆಯುವ ಮುತ್ತುಗಳ
ನಿನ್ನ ಕೊರಳಿಗೆ ಹಾರವಾಗಿಸಲು ಮುತ್ತುಗಳ
ಹೆಕ್ಕಲು ಬಂದಿರುವೆನು
ನಾವಿಬ್ಬರು ನೆಟ್ಟ ಮಲ್ಲಿಗೆ ಬಳ್ಳಿ ಇನ್ನೆನು
ಮೈ ನೆರೆದು ಮೈ ತುಂಬ ತಾರೆ ಮೊಗ್ಗುಗಳ
ಹೊರಲಿದೆ.. ಎಲ್ಲವ ಅರಳಿಸಿ ದಂಡೆಯ ಕಟ್ಟಿ
ನಿನ್ನ ಮುಡಿಗೆ ಮುಡಿಸಲೆಂದು ಕಾದಿರುವೆ
ಬರುವೆ ನಲ್ಲೆ.. ಮೊಗ್ಗುಗಳರಳಿದ ಕ್ಷಣವೆ..