ಆದರೆ..

ದೇವರು ಎಲ್ಲವು ನೀಡಿದ
ನೆಲ,ಜಲ,ಭಾನು, ಬೆಳಕು
ಗಾಳಿ, ಬೆಳೆ, ಬೆಟ್ಟ ಗುಡ್ಡ
ಕಾಡುಮೇಡು ಪ್ರಾಣಿ ಪಕ್ಷಿ
ಪ್ರಕೃತಿ ಸಂಪತ್ತು ಮಾನವ
ಸಂಪತ್ತು

ಎಲ್ಲ ಸಂಪತ್ತುಗಳ ನೀಡಿ
ಹುಟ್ಟಿನ ಹಿಂದೆ ಸಾವು ಕೊಟ್ಟಂತೆ
ಬದುಕಿನ ಜೊತೆಗೆ ಈ ಆದರೆ...
ಎಂಬ ಪದವನ್ನು ಕಟ್ಟಿಕೊಟ್ಟೆ
ಸಾಯುವವರೆಗೂ ನಮ್ಮ ಬೆನ್ನು
ಬಿಡದಂತೆ

ಆಗರ್ಭ ಶ್ರೀಮಂತ, ಆದರ್ಶ ಪತ್ನಿ
ಮುದ್ದಾದ ಇಬ್ಬರು ಮಕ್ಕಳು ಸ್ವರ್ಗಕ್ಕೆ
ಕಿಚ್ಚು ಹಚ್ಚುವ ಕುಟುಂಬ ಆದರೆ...
ಮಗ ಹುಟ್ಟು ಕುರುಡ, ಮಗಳು ಬುದ್ದಿಮಾಂದೆ
ಎಲ್ಲವೂ ಇದ್ದು ಈ ಆದರೆ ಏನೂ ಇಲ್ಲದಂತೆ
ಮಾಡಿದೆ

ಕಡು ಬಡವ ಮನೆತುಂಬ ಮಕ್ಕಳು
ಇರಲು ಜಾಗವಿಲ್ಲ ಉಡಲು ಬಟ್ಟೆಯಿಲ್ಲ
ಆರೋಗ್ಯಕ್ಕೇನು ಕೊರತೆಯಿಲ್ಲ ಆದರೆ...
ಕೈತುಂಬ ಕೆಲಸವಿಲ್ಲ, ರೋಗಕ್ಕೆ ಹಣವಿಲ್ಲ
ಆರೋಗ್ಯ ಭಾಗ್ಯವಿದ್ದ ಇವರಿಗೆ ಈ ಆದರೆ
ದುಡಿಮೆಯೆ ಕೊಟ್ಟಿಲ್ಲ