ಹುಟ್ಟುವ ಕವನಗಳನೇಕೆ ನಿರ್ಭಂದಿಸಲಿ
ಸಾವಿನ ನೋವು ಇಲ್ಲದಿರುವಾಗ
ಹಾಡುವ ಕವಿತೆಗಳನೇಕೆ ಕಟ್ಟಲಿ
ಬದುಕಿನ ಲಗಾಮು ಹಿಡಿದಿರುವಾಗ
ಬರೆಯುವ ಕಥೆಯನೇಕೆ ನಿಲ್ಲಿಸಲಿ
ಕನಸುಗಳು ನಿದ್ರಿಸಲು ಬಿಡದಿರುವಾಗ
ಆಡುವ ಮಾತುಗಳನೇಕೆ ತಡೆಯಲಿ
ಮನತುಂಬಿ ನಿಂತಿರುವಾಗ
ಬಣ್ಣಿಸ ಪದಗಳ ಹೇಗೆ ಬಂಧಿಸಲಿ
ಬದುಕು ಹಸನಾಗಿರುವಾಗ
ಉಕ್ಕುವ ನುಡಿಗಳ ಹೇಗೆ ನಿರಾಕರಿಸಲಿ
ಮೌನದ ಗೀತೆ ಗಗನ ಚುಂಬುತಿರುವಾಗ
ಹುಟ್ಟಲಿ ಬಿಡಿ ಮರಳಿ ಮರಳಿ
ನನ್ನೊಳಗೆ |ಅವುಗಳಿಲ್ಲದೆ ನನ್ನ
ಬದುಕು ಸವೆಯುವದಾದರೂ
ಹೇಗೇ?
No comments:
Post a Comment