ಇದ್ದಾಗ ಇಲ್ದಾಗ

ನಾನೀದ್ದಾಗ
ನಾನಿದ್ದಾಗ ನನ್ನ ಕಷ್ಟಗಳಿಗೆ
ಹೆಗಲು ಕೊಡದ ಸ್ನೇಹಿತರು
ನಾನು, ನನ್ನ ಸಂಸಾರ ಹಸಿದಾಗ
ಅನ್ನವನಿಕ್ಕದ ಬಂಧುಗಳು
ಆಸ್ತಿಯಲ್ಲವ ಹೋಗಿ ಬೀದಿಗೆ ಬಿದ್ದಾಗ
ಇರಲು ಜಾಗವ ನೀಡದ ಸಮಾಜ
ಹಸಿವು ಹಸಿವೆಂದಳುತಿರಲು
ಮೂಸಿಯೂ ನೋಡದ
ಮೂರ್ಲೋಕ

ನಾನಳೀದಾಗ
ನನ್ನ ಹೆಣದ ಚೆಟ್ಟಕ್ಕೆ ಹೆಗಲು
ನೀಡಲು ಬಂದರು ಸ್ನೇಹಿತರು
ಕೊನೆಯ ದರ್ಶನವೆಂಬಂತೆ ಬಾಯಿಗೆ
ಅಕ್ಕಿ ಹಾಕಿದರು ಬಂಧುಗಳು
ಸ್ಮಶಾನದಲ್ಲಿ ನನಗಾಗಿ ಗುಂಡಿ
ತೊಡಿಟ್ಟರು ಸಮಾಜದವರು
ಗುಂಡಿಯಲೆನ್ನವಿಟ್ಟು ಮಣ್ಣು
ಸುರಿಯುತಿರಲು, ಅಳುವ ಮಡದಿ
ಮಕ್ಕಳ ಕಂಡು ಮಮ್ಮಲ ಮರಗುತಿದೆ
ಮೂರು ಲೋಕ

ಇದ್ದಾಗ ಇರದ ಈ ದೇಹಕ್ಕೆ ಬೆಲೆ
ಸತ್ತಾಗ ಅರಿಯುವರು