ಮಲಗಿರುವ ಮೋಡ

ಮಲಗಿರುವೇ ಏಕೇ ಮೋಡವಾಗಿ
ಕರಗಿ ಇಳಿದುಬಿಡು ನೀರಾಗಿ
ಕಾಯುತ್ತಿದೆ ಧರೆಯು ಕಾದ ಹಂಚಾಗಿ
ಬೇಡುತಿವೆ ತರುಲತೆಗಳು ಹನಿ ತೊಟ್ಟಿಗಾಗಿ

ಫಸಲೊಳಗಿನ ಹಸಿರಳುತಿರಲು ನೀನಗಾಗಿ
ಕೆರೆಕಟ್ಟೆಗಳು ಕಾಯುತಿರಲು ನಿನ್ನ ಬರುವಿಗಾಗಿ
ಜೀವಿಗಳು ನಲಗುತಿರಲು ನೀರಿಗಾಗಿ
ಹರಿದುಬಿಡು ಶಿವನ ಜಡೆಯಿಂದ ಚಿಲುಮೆಯಾಗಿ

ಹರನೇ ಹರಿಸಿಬಿಡು ಗಂಗೆಯನು ಧರೆಗಾಗಿ
ಮರೆಸು ಮನದ ನೋವನು ಮಳೆಯಾಗಿ
ಸುರಿಸು ಜೀವರಾಶಿಗಳ ಬದುಕಿಗಾಗಿ
ಸತ್ತು ಬಾರದಿರಲಿ ನಿನ್ನ ರುದ್ರಭೂಮಿಗೆ