ನಮ್ಮವ್ವ ೨

ಮಳಿಗೆ ಹಾಳಾದ ಬೆಳೆಗೆ
ಪರಿಹಾರ ಕೊಡ್ತಾರ
ಕೇಳವ್ವ
ಮದುವೆಗೆ ಹಾಳಾದ ಬಾಳಿಗೆ
ಏನಂತ ಕೊಡ್ತಾರ
ನಮ್ಮವ್ವ

ಹಸಿವಿನಾಸೆಗೆ ದನ ಒಂದಿನ ಬೇಲಿ
ದಾಟಿದರ ದಂಡ ಕಟ್ಟಿಸಿಕೊಳ್ತಾರ
ಕೇಳವ್ವ
ಕಾಮದಾಸೆಗೆ ದಿನವೂ ಬೇಲಿ
ಹಾರುವ ಗಂಡನಿಗೆಂಥ ದಂಡ
ಕಟ್ಟಸ್ತಾರ
ನಮ್ಮವ್ವ

ಬಾಳೆ ಮಾಡಾಕ ಬರಲ್ಲಂತ ಸೊಸಿನ
ಮನಿ ಬಿಟ್ಟ ಹೊರಗ ಹಾಕ್ತಾರ
ಕೇಳವ್ವ
ಸೊಸಿನ ನಡೆಸಕೊಳ್ಳದಿರೊ ಅತ್ತಿ
ಮಾವನ್ನ ಏನ ಮಾಡ್ತಾರೊ
ನಮ್ಮವ್ವ

ಅಪ್ಪಯ್ಯ ಗಾಳಿಗೆ ಕಾಳ ತೂರತಾನ
ಅದರಂದ ಕಸ ಹಾರಲೆಂತ
ಕೇಳವ್ವ
ಲೋಕದ ಎದೆನ ಕಸ ತೆಗೆಯೊದ
ಮರತ ಆ ಶಿವ ಕುಂತಾನ
ನೋಡವ್ವ