ಎಷ್ಟೊಂದು ತೂಕದ ಬಂಗಾರ
ಎಷ್ಟೊಂದು ಸರಗಳ ಹಾಕ್ಯಾರ
ಬಂಗಾರದ ಆಭರಣಗಳಲ್ಲೆ ನನ್ನ
ಎದ್ದಿ ತಗದಾರ
ಕೇಳವ್ವ
ಮುಖಕ್ಕೆ ನಗು ಅನ್ನೊ ವಡವೆನ
ಮರತಾರ
ನಮ್ಮವ್ವ
ಎಂಟ ಅಂಕಣದ ಅರಮನೆ
ಎರಡಂಕಣದಷ್ಟು ದವಸ ತುಂಬೈತಿ
ಮೂರಂಕಣದಾಗ ದನಕರ ನಿಂತಾವು
ಕೇಳವ್ವ
ಮನೆಯವರು ತಮ್ಮ ಮನದ ಅಂಕಣಕ
ಹಲಗಿ ಬಡಕೊಂಡಾರ
ನಮ್ಮವ್ವ
ಊರಿಗೆ ದೊಡ್ಡ ಮನಿ ಐತಿ
ಕಟ್ಟಿ ಮ್ಯಾಲ ಕುಂತ ನ್ಯಾಯ
ಹೇಳ್ತಾರ
ಕೇಳವ್ವ
ಮನಿಯಾಗ ಸೊಸಿಯನ್ನಾಕಿದ
ನ್ಯಾಯ ಕೇಳೊರ ಯಾರಿಲ್ಲ
ನಮ್ಮವ್ವ
No comments:
Post a Comment