ಈ ಪ್ರೀತಿಗೆ

ಅಂಗ ಸಂಗವ ಬಯಸಿರೆ
ಕಪ್ಪು ಬಿಳುಪಿನ ಬಟ್ಟಲು
ಕಂಗಳು
ಹರೆಯದ ನಶೆಯಲಿ
ತೇಲುತಿವೆ ರೆಪ್ಪೆಗಳು
ಎಚ್ಚರಗೊಳಿಸುವರಾರೊ
ಸೌಂದರ್ಯದ ಸೇರಗನು
ಎಳೆದು
ಕಣ್ಣ ಕಾ..ಮನಾ... ಬಿಲ್ಲುಗಳ
ಕಟ್ಟಿ

ತಿಳಿಯ ಹರೆವ ಹಳ್ಳದ
ಮನವು ಬಯಸುತಿರೆ
ನೂರೆಂಟು ಕಾಮನೆಗಳ
ಅಗ್ನಿಯ ಸ್ಪರ್ಶವ
ಸಮಾಧಾನದ ಮಳೆಯದೇಷ್ಟು
ಧೋ ಎಂದು ಸುರಿದರೂ
ಮರೆಯೆಂಬ ಹರಿವ ಕಾಲುವೆಯನೆ
ಹರಿಸಿದರೂ
ಹೂ ಬಾಣದ ಬೇಡನು ಹಚ್ಚಿದ
ಕಾಮಾಗ್ನಿಯು ಆರುತ್ತಿಲ್ಲವಲ್ಲ

ನೋಡಿದೊಡೆ ಹುಟ್ಟಿ
ಮುಟ್ಟಿದೊಡೆ ಉರಿದು
ಸರಿದೊಡೆ ಬೂದಿಯಾಗುವ
ಅಂಗ ಸಂಗದ ಪ್ರೀತಿಗೆ
ನಾನೇನನ್ನಲಿ ?

ಹುಟ್ಟುವವರೆಗೂ ಕಾದು
ಮೊಗ್ಗಾದ ಮೇಲೆ ಕಾವಿಟ್ಟು
ಅರಳಿದ ಸುಮದ ಘಮವ ಹೀರಿ
ಅಂತರಂಗದ ಆಳಕೆ ಮಧುವನು
ತುಂಬಿ
ಪ್ರೀತಿಯ ಹೂವನು
ಹಿಸುಕದೆ ಹೊಸುಕದೆ ಕಾಯುವ
ಮುಳ್ಳಿನ ಪ್ರೀತಿಗೆ
ನಾನೇನ ಹೇಳಲಿ