ಕೆಚ್ಚಲದಾಗ ಹಾಲ ಇಲ್ಲಂದ್ರ ಹಸು
ಕರುವನ್ನು ಒದ್ಗೊತೈತಿ
ಕೇಳವ್ವ
ಗಂಡನ ಮನಿಗೆ ಕಳಸಿನಂತ ನನ್ನ
ಒದ್ಕೊ ಬ್ಯಾಡವ
ನಮ್ಮವ್ವ
ಮಾವಿನಕಾಯಿ ಹರಕೊಂಡ ಮ್ಯಾಲ
ಗಿಡಾನ ಕಣ್ಣೇತ್ತಿ ಯಾಕಾರ ನೋಡ್ಯಾರು
ಕೇಳವ್ವ
ಕರುಳಿನ ಬಳ್ಳಿನ ಕತ್ತರಿಸಿ ಕೊಟ್ಟಿನಿ ಅಂತ
ಕಣ್ಮುಚ್ಚಿ ಕುಂದರಬ್ಯಾಡ
ನಮ್ಮವ್ವ
ಬಿಂದಿಗೆ ನೀರು ಸೇದಿಂದ ಬಾವಿಯ
ಹಗ್ಗದ ಆಚು ಯಾರಿಗೆ ಇರತೈತಿ
ಕೇಳವ್ವ
ಗಂಡನೂರಿಗೆ ಹೋದಾಕಿ ತವರೂರ
ಆಸೆ ಇಲ್ಲಂತ ಮರಿಬ್ಯಾಡವ
ನಮ್ಮವ್ವ
No comments:
Post a Comment