ಮೂಡುತಿದೆ ಮೋಹ
ಮೋಡದ ಮರೆಯಿಂದ
ಮಲೆಗಳ ತುದಿಯ
ಚುಂಬಿಸೊ....
ಹಂಬಲವ ಹೊತ್ತು
ಬರುವ ರವಿಯಂತೆ
ಚಿಮ್ಮುತಿದೆ ಆಸೆ
ಕಡಲ ತಟವ ಚಿಮ್ಮಿ ಚಿಮ್ಮಿ
ಸಾಗರದ ಬಂಧನವ ತೊಡೆದು
ಬಂಡೆಯನು ತೊಯಿಸುವ
ನೀರಂತೆ
ಉಕ್ಕೇರುತಿದೆ ಪ್ರೀತಿ
ಮನದ ಕುಡಿಕೆಯಿಂದ
ವಿರಹದ ಕುದಿಗೆ ಕುದ್ದು ಕುದ್ದು
ಇನ್ನು ತಡೆಯಲಾಗದೆಂದು
ಪುಟಿ ಪುಟಿದು ಬರುವ
ಹಾಲಿನಂತೆ
ಕಟ್ಟಬೇಕಿದೆ ಬದುಕು
ಅರ್ಧ ಚಂದ್ರಾಕೃತಿಯ
ಹುಳುವಿನರಮನೆಯಂತೆ
ಅದರೊಳು ನಿನ್ನ ಸದಾ
ನನ್ನ ಪ್ರೀತಿಯ ಬೆಚ್ಚಗಿನ
ಹೊದಿಕೆಯಲಿ ಮಲಗಿಸಿ
ಹೊನ್ನ ಕನಸುಗಳ ಕಾಣುವಂತೆ
ಬದುಕಬೇಕಿದೆ ನಾನು
ನಿನ್ನೊಡನೆ
No comments:
Post a Comment