ಹಸಿರಿದ್ದ ಬದುನ ದನ ಬಿಡಾಂಗಿಲ್ಲ
ಕೇಸರಿದ್ದ ಕೆರಿನ ಎಮ್ಮಿ ಬಿಡಂಗಿಲ್ಲ
ಹಾದಿ ಹೊಲದನ ಫಸಲನ್ನ ಹೋಗೊರ
ಬರೋರ ಬಿಡಂಗಿಲ್ಲ
ಕೇಳವ್ವ
ಹಬ್ಬಕ್ಕ ತವರಿಗೆ ಹೊಂಡತಿನಂದ್ರ
ನನ್ನ ದ್ಯಾವ್ರು ಸೀರಿ ಸೆರಗ ಬಿಡವಲ್ರ
ನಮ್ಮವ್ವ
ಬಂಗಾರ ಎಷ್ಟ ದಿನ ನೀರಾಗಿದ್ರೂ
ತುಕ್ಕ ಹಿಡಿಯಾಂಗಿಲ್ಲ
ಕಬ್ಬಿಣನಾ ಎಷ್ಟ ಬಿಸಲಿಗೆ ಇಟ್ರುನೂ
ಅದು ಕರಗಂಗಿಲ್ಲ
ಕೇಳವ್ವ
ತವರನ್ಯಾಗ ಎಷ್ಟ ದಿನ ನಾನಿದ್ರೂ
ಅವರ ನನ್ನ ಮರೆಯಂಗಿಲ್ಲ
ನಮ್ಮವ್ವ
ಅಮಾಸಿ ಹಿಂದ ಹುಣ್ಣಿಮೆ ಬರತೈತಿ
ಹುಚ್ಚಯ್ಯದ ಹಿಂದ ತೇರ ಎಳಿತಾರ
ಹಸು ಹಿಂದ ಕರು ಒಡತೈತಿ
ಕೇಳವ್ವ
ನಾನಿಲ್ದ ಮೂರ ದಿನಕ ನನ್ನ ಕರೆಯಾಕ
ಬಂದಾರ ನೋಡ
ನಮ್ಮವ್ವ
No comments:
Post a Comment