ಗಾಳಿಮಾತು

ಯಾರೊ ಹೇಳಿದರೆಂದು ಗಾಳಿಯ
ಸಿದ್ದಾಂತವನು ನಂಬದಿರು
ನೀನರಿತಿರುವ ನಿನಗೆ
ಮನವರಿಕೆಯಾಗಿರುವ ಚಿಕ್ಕ
ಬಂಡೆಯಂತಹ ವಿಷಯದ
ನೆಲಗಟ್ಟಲಿ ಗಟ್ಟಿಯಾಗಿ ನಿಲ್ಲು
ಯಾವ ಊಹಾಪೋಹಗಳ
ಗಾಳಿ ಬೀಸಿದರು ಬಂಡೆ ನಿನ್ನ
ಕೆಡವದು

ಯಾರೂ ಹೇಳಿದ ಗಾಳಿಯ ಮಾತುಗಳ
ಹಿಡಿದಿಡಲಾಗದು ನಿರೂಪಿಸಲಾಗದು
ಗಾಳಿಯ ಮಾತು
ಕಾಲದಿಂದ ಕಾಲಕ್ಕೆ, ಬಾಯಿಂದ ಬಾಯಿಗೆ
ಬುದ್ಧಿಯಿಂದ ಬುದ್ಧಿಗೆ ಹಾರುವದು
ಯಾರಲ್ಲಿಯೂ, ಯಾರೊಬ್ಬರೂ ಸ್ಪಷ್ಟ
ನಿರ್ಧಾರವ ತೆಳೆಯಲಾರದ ಅರ್ಧ
ದಾರಿಯಲೆ ಬಿಟ್ಟು ಬಿಡುವದು

ಇರಲಿ ನಿನ್ನದೊಂದು ಮಾತು
ನಂಬುಗೆಯ, ಭದ್ರ ಬುನಾದಿಯ
ಹೊಂದಿದ, ಸಾವಿರಾರು ಜನರು ನಿಂತು
ಕುಣಿದು ಕುಪ್ಪಳಿಸಿದರೂ ಅದರದ
ಬಂಡೆಯಂತೆ
ಸಮಯ ಸರಿದರೂ, ಋತುಗಳುರುಳಿದರೂ
ಕತ್ತಲು ಕಳೆದರೂ, ಹಗಲುಗಳಳಿದರೂ
ಕೇಳಿದವರ ಓದಿದವರ ಮನದಲಿ
ಮನೆಯ ಮಾಡಿ ನಿಲ್ಲುವಂಥಹದು

ನಿಲ್ಲಲಿ ನಿನ್ನಲಿ ನಿಲುವೊಂದು
ನಕ್ಷತ್ರದಂತೆ