ಕುಡದ ಕುಡದ ಬರ್ತಾನ
ಬಡದ ಬಡದ ಮಲಗ್ತಾನ
ಅವನ ಕೈ ಕತ್ತರಿಸಿ ದ್ಯಾಮವ್ವ
ಕೊರಳಿಗೆ ಹಾರ ಹಾಕ್ಕೊಳ್ಲಿ
ಹಾಲ ಗಲ್ಲದ ಮಕ್ಳಿಗೂ ಬರೆ
ಎಳಿತಾನ
ನಮ್ಮವ್ವ
ತಿವಿದ ತಿವಿದ ಬೈತಾಳ
ಮಾತ ಮಾತಿಗೂ ಅಂಗಸ್ತಾಳ
ಯಾವದರ ಬರಬಾರ್ದ ಬಂದ
ಚಾಪಿ ಸುತಗೊಂಡ ಹೋಗ್ಲಿ
ಅತ್ತಿಯನ್ನಾಕಿ ಹೊಲದಾಗ ನಾಕಾಳಿನ
ದಗದ ಮಾಡಿ ಬಂದ್ರೂ ಒಂದಹೊತ್ತ
ಖೂಳ ಹಾಖಾಕ ಅಳತಾಳ
ನಮ್ಮವ್ವ
ಹೊತ್ತ ಹೊತ್ತ ತಪ್ಪಿ ಬರ್ತಾನ
ಇದ್ದದ್ದ ಇರಲಾರ್ದ ಕೇಳ್ತಾನ
ಮಾವನ ಕಾಲ ಮುರ್ದ
ಮೂಲ್ಯಾಗ ಕುಂದರಸ್ಲಿ
ಊರೊರ ಮುಂದ ಸೊಸಿ
ಮಾನಾ ಬಿಟ್ಟಾಕಿ ನಡತಿ ಬಿಟ್ಟಾಕಿ ಅಂತಾ
ಊರ ತುಂಬಾ ವಾಯ್ನಾ ಮಾಡ್ತಾನ
ನಮ್ಮವ್ವ
No comments:
Post a Comment