ಮನದ ಪನ್ನೀರು

ಚಕೋರಿ
ಬಾನೊಳ್ಹಾರುವ ಜೋಡಿ ಹಕ್ಕಿಗಳ
ರಕ್ಕೆಗಳ ಬಲವಾದರು ಕುಂದುವುದು
ನಮ್ಮಿಬ್ಬರ ಮನದಾಸೆಯ ಹಕ್ಕಿಗಳ
ರೆಕ್ಕೆಗಳೆಂದಾದರೂ ಕುಂದಾವು

ಚಂದ್ರಿಕೆ
ಕತ್ತಲ ಬೆಳ್ಳಿಗೆ ಹೇರುವುದು
ಹಗಲೆ ಬಂಧ
ಮಿಂಚಿನ ಬಳ್ಳಿಯ
ಮೊಗದ ನಗುವ ಬೆಳ್ಳಿಗೆ
ಯಾವ ಋತುವು
ಯಾವ ಹೊತ್ತು
ಹೋರಿಸಲಾದಿತು
ನಿರ್ಬಂಧ

ದೀಪಿಕೆ
ತರುವಿನಾ ತಂಗಾಳಿ ತರುವುದು
ದೀಪಕೆ ತಮಸ್ಸು
ಜೀವನಾ ಜ್ಯೋತಿ ಬೆಳಗುವಾ
ಸುಮತಿ
ತಮವಾರು ತುಂಬುವರು ನಮ್ಮಲಿ
ನೀ ಸುಡುವ ಬೆಂಕಿ

ಅಸ್ತಿನಿ
ಅಸ್ತಮವಾಗುವನವನು ಅವಧಿ
ಅಳಿದ ಬಳಿಕ
ಯಾವ ಅವಧಿಗಳಿಲ್ಲ ಜಗದಲಿ
ಎರಡು ಮನಗಳಸ್ತಮವ ಕಾಣಲು
ಕಾಯದ ಕಾಯಿ ಒಡೆದು ಬಿದ್ದರೂ
ಚೆಲ್ಲುವುದು ಹರಿಯುವುದು
ತಣಿಸುವುದು ಮನದ ಪನ್ನೀರು