ಭಾವನೆಗಳಿಲ್ಲದ ಮನಸು
ಬಿಂಬಗಳಿಲ್ಲದ ಕನ್ನಡಿ
ಹುಟ್ಟುಗಳಿಲ್ಲದ ದೋಣಿ
ನೀನಿಲ್ಲದ ನನ್ನ ಹಾದಿ
ಕಡಲ ತೀರದಲಿ ಹೆಜ್ಜೆಯ
ಗುರುತನು ಬಿಟ್ಟ ಹಾಗೆ
ಕನಸುಗಳೆ ಇಲ್ಲದ ನಿದ್ದೆ
ಮುಳ್ಳುಗಳೆ ಇಲ್ಲದ ಗಡಿಯಾರ
ಚುಕ್ಕಿಗಳೆ ಇಲ್ಲದ ಭಾನು
ನೀನಿಲ್ಲದ ಮನೆ
ಕದವಿರದ ಅಡುಗೆ ಕೋಣೆಗೆ
ನಾಯಿಯನು ಕಾವಲಿರಿಸಿದ
ಹಾಗೆ
ಹೂವಿಲ್ಲದ ಕೆರೆ
ದೀಪವಿರದ ಕೋಣೆ
ಗುರಿಯಿಲ್ಲದ ಬದುಕು
ನೀನಿಲ್ಲದ ಮನವು
ಬೀಸುವ ಬಿರುಗಾಳಿಗೆ
ದಾವಣಿಯನು ಕೈ ಬಿಟ್ಟ
ಹಾಗಿದೆ
No comments:
Post a Comment