ತಂತಿ ಇಲ್ದ ತಂಬೂರಿನ ಮೀಟಾಕಾಗಂಗಿಲ್ಲ
ತೊಗಲ ಇಲ್ದ ತಬಲಾ ಬಾರ್ಸಕಾಗಂಗಿಲ್ಲ
ತೂತ ಇಲ್ಲದ ಕೊಳಲನ್ನ ನುಡಸಾಕಾಗಂಗಿಲ್ಲ
ಕೇಳವ್ವ
ಮನಸ ಇಲ್ಲದ ಮದುವಿನ ನಾ ಹ್ಯಾಂಗ
ಆಗಲೇ
ನಮ್ಮವ್ವ
ಮಳೆ ಇಲ್ದ ಭೂಮಿ ಹದ ಆಗಂಗಿಲ್ಲ
ಬೀಜ ಇಲ್ದ ನೆಲನ ಬಿತ್ತಾಕ ಆಗಂಗಿಲ್ಲ
ಮೇವ ಇಲ್ದ ದನಾನ ಸಾಕೋಕ ಆಗೋದಿಲ್ಲ
ಕೇಳವ್ವ
ಪ್ರೀತಿಯಿಲ್ಲದ ಅವನ ಮನಿ ಹೊಸ್ತಲ ನಾ
ಹ್ಯಾಂಗ ತುಳಿಲೆ
ನಮ್ಮವ್ವ
ತೋರಣಿಲ್ಲದ ಬಾಗಿಲು ಏನ ಚೆಂದ
ರಂಗೋಲಿಲ್ಲದ ಅಂಗಳ ಏನ ಚಂದ
ಪೂಜೆಯಿಲ್ಲದ ಹೊಸ್ತಿಲು ಏನ ಚೆಂದ
ಕೇಳವ್ವ
ಮೂವತ್ತರ ಹೈದಗ ಹದಿನಾರರ ಬಾಲೆ
ಕಟ್ಟಿದರ ಏನ ಚೆಂದ
ನಮ್ಮವ್ವ
No comments:
Post a Comment