ಸಂಕ್ರಾಂತಿ ಬಂತಂದ ಎಲ್ರೂ
ಸಿಹಿ ಹಂಚತಾರ ಬಾಯಿಗೆ
ಎಳ್ಳು ಬೆಲ್ಲ ತಿನಿಸ್ತಾರ
ಕೇಳವ್ವ
ವರುಷ ಪೂರ್ತಿ ಕೈಯಿಂದ ಹಂಚೊ
ಸಿಹಿನ ಬಾಯಿಂದ ಯಾಕ ಹಂಚೊದಿಲ್ಲೊ
ನಮ್ಮವ್ವ
ದೀಪಾವಳಿ ಬಂತಂದ ಮನಿ ಒಳಗ
ಮನಿ ಹೊರಗ ದೀಪಾ ಬೆಳಗತಾರ
ಕೇಳವ್ವ
ದೇಹಾ ಅನ್ನೊ ಮನಿಯೊಳಗ ಅರಿವು
ಅನ್ನೊ ಜ್ಯೋತಿನ ಯಾಕರ ಹಚ್ಚೊದಿಲ್ಲೊ
ನಮ್ಮವ್ವ
ಹಬ್ಬ ಹಬ್ಬ ಅಂತ್ಹೇಳಿ ಹುಳಿ ಬಿಟ್ಟ ಸಿಹಿ
ಉಣ್ಣಾಕ ಕುಂತಿರ್ತಾರ
ಕೇಳವ್ವ
ಮಂದಿ ಬಾಳೆಕ ಹುಳಿ ಹಿಂಡಾಕ
ತುದಿಗಾಲಿಲೆ ನಿಂತಿರ್ತಾರೊ
ನಮ್ಮವ್ವ
No comments:
Post a Comment