ನೀನಿಲ್ಲದ ಏಕಾಂತ

ನೀನಿಲ್ಲದ ಏಕಾಂತ
ಕಲ್ಲಾಗಿಸುವುದೊ ಕವಿಯಾಗಿಸುವುದೊ
ಹೇಳಲು ಯಾರಿಲ್ಲದಿರುವಾಗ
ಕೇಳಲು ನೀನೆ ಇಲ್ಲದಿರುವಾಗ

ಕವಿಯಾಗಲೆ
ಪ್ರೀತಿಯ ಹೊಳೆಯಲಿ ಮಿಂದು
ವಿರಹದ ಬೇಗೆಯಲಿ ಬೆಂದು
ಚೆಲುವಿಗೆ ಪದಗಳ ಬರೆದು
ಹಾಡಲೆ ಯಾವ ರಾಗವ ಕರೆದು

ಕೇಳು ಪದೇ ಪದೇ ಮನವಿಟ್ಟು
ಗಾನದಲಿದೆ ನಮ್ಮಿಬ್ಬರ ಗುಟ್ಟು
ಎಷ್ಟೊಂದು ಮಾಡಿಸಲಿ ಮನದಟ್ಟು
ಕೇಳಬಾರದೆ ಒಮ್ಮೆಯಾದರೂ ಕಿವಿಗೊಟ್ಟು

ಕಲ್ಲಾಗಲೆ
ವಿರಹದುಳಿಯ ಪೆಟ್ಟನು ತಿಂದು ತಿಂದು
ಒಲವಿನ ತುಣುಕುಗಳ ಕೊಂದು ಕೊಂದು
ಅರಳದೆ ನಮ್ಮಿಬ್ಬರಲಿ ಅನುರಾಗ
ಬಯಲು ಪ್ರೀತಿಯಾಗದಿರಲಿ ಇಬ್ಭಾಗ

ಕೊರೆಯುತಿದೆ ಸಂಜೆಯ ಏಕಾಂತ
ನೋಡಿ ನನ್ನ ನಗುತಿರೆ ಇರುಳ ಕಾಂತ
ಆಗಲೇ ಹೇಳು ಪ್ರೀತಿಯಲಿ ನಾನು ಸಂತ
ಇಲ್ಲವೇ ಮೂಡಿಸು ಬಾಳಲಿ ವಸಂತ

ಮಾಡದಿರು ನನ್ನನು ಏಕಾಂತ
ನಿನ್ನ ನೋಡದೆ ಇರಲಾರನು
ಈ ಕಾಂತ