ಹೊಸಕದಿರು ಹುಡುಗಿ

ಹುಡುಗಿ...
ಇರಲಿಬಿಡು ಇನ್ನೆರಡು ಘಳಿಗೆ
ಒಲವಿಂದ ನಿನ್ನ ಮುಡಿಯ ಸೇರದೆ...
ನೀನೊಪ್ಪದೆ... ಕೈ ಬಿಟ್ಟಿರುವ ಕುಸುಮವದು
ಬಿಕ್ಕುತಿದೆ.. ನಿನ್ನದೆ ಹೆಸರಿನಲಿ..
ನಿರಾಕರಣೆಯ ನೋವಲಿ ನಲುಗಿ..
ನಲುಗಿ... ನರುಳುತಿರುವ ಸುಮವದು
ಹೊಸುಕದಿರು.. ಅದರೆದೆಯ ಗಂಧ ನಿನ್ನೆದೆಯ
ಸೇರದೆ... ಮಣ್ಣಲಿ ಮಣ್ಣಾಗುವ ಹಾಗೆ..

ನಿನಗೇತಕಿಷ್ಟೊಂದು ಇರ್ಷ್ಯೆ...
ನಿನ್ನ ಕೆನ್ನೆಯ ರಂಗೀಗಿಂತಲೂ..
ಎಸಳುಗಳ ರಂಗು ಹೆಚ್ಚಿದೆಯಂದೊ..
ನಿನ್ನ ಮೋಹಕ ನಗುವಿಗಿಂತಲೂ..
ಇದರ ಮೋಹಕ ನಗವು ನಿನ್ನ ಚುಚ್ಚಿತಿಹುದೊ
ನಿನ್ನಧರದ ಜೇನು ಬಟ್ಟಲುಗಳಿಗಿಂತ
ಇದರೊಳಡಗಿದ ಜೇನು ಸವಿಯಾಗಿದೆಯಂದೊ
ನಿನ್ನಂದವ ಮೆಚ್ಚಿ ಮಾತನಾಡದವರು..
ಈ ಅಂದಕೆ ಮನಸೋತು ಮಾರುಹೋಗಿರುವವರೆಂದೊ
ಇಲ್ಲವೆ.. ನಿನ್ನುಧರದ ಕಿಚ್ಚಿಗೆ ಕಿತ್ತಲು ಹೋದಾಗ..
ಚುಚ್ಚಿದ ಮುಳ್ಳಿನ ಸೇಡಿಗಾಗಿ ಹೊಸಕುತಿರುವೆಯೊ..

ಹೊಸುಕದಿರು ಹೆಣ್ಣೆ...
ಇದು ನಿನಗೆ ತರವಲ್ಲ...