ಬದುಕಿನ ದಾರಿ

ನಡೆಯುವ ದಾರಿ ಹೊದ್ದು
ಮಲಗಿದೆ ನಾಳೆಯೆನುಂಬುದನರಿಯದ
ಕತ್ತಲನು.. ಮತಿಯ ಬೆಳಕ ಚೆಲ್ಲಿ
ಸಾಗಬೇಕಿದೆ..

ಇರುವ ದಾರಿಯಲ್ಲಿ ನಿಂತ
ಕಂಬಗಳು ಕಮಕ್ ಗಿಮಕ್
ಎನ್ನದೆ ನಿಂತಿವೆ...ಹೋಗು ಬರುವವರಿಗೆ
ದೀಪದ ಬೆಳಕ ಚೆಲ್ಲಿ ಚೆಲ್ಲಿ
ಬರಿದಾಗಿವಿರುವೆವೆಂದು...

ಇನ್ನೆನು ಧಾರಾಕಾರವಾಗಿ
ಸುರಿದು ನಿನ್ನ ಗಮ್ಯವ ಮುಟ್ಟಿಸಗೊಡದೆ
ನನ್ನೊಡನೆ ಕಷ್ಟಗಳ ಸುಳಿಯಲ್ಲಿ
ಸೆಳೆದೊಯ್ವೆನೆಂದು ಯುದ್ದಕ್ಕೆ
ನಿಂತ ಕರಿಮೋಡಗಳ ಗುಂಪು

ಏರಿಳಿತದ ಈ ಹಾದಿಯಲಿ
ಭರವಸೆಯ ಬೆಳಕೊಂದೆ ಈ
ಹಸಿರು ಮರಗಳ ಕನಸುಗಳೆಂಬ ಸಾಲು
ಇವುಗಳ ಕಾಣುತ್ತ.. ದಾಟುತ್ತ..
ಬದುಕಿನ ಕೊನೆಯ ಘಟ್ಟವನ್ನು
ತಲುಪಬಲ್ಲೇನೆ..

ಇನ್ನೂ ಇಲ್ಲೆ ನಿಂತಿರುವೆ ಅರ್ಧ ದಾರಿಯಲ್ಲಿ
ಸಾಗಿ ನಿಲ್ಲಬೇಕಿದೆ ಬದುಕೆಂಬ ಶಿಖರದ ತುದಿಯಲ್ಲಿ
ಗೆಲ್ಲುವೆನೆ ಎಂಬ ಅಳುಕು ಕಾಡುತಿದೆ ಮನದಲ್ಲಿ
ಧೀರ್ಘ ಉಸಿರನೊಮ್ಮೆ ಒಳಗೆಳೆದು ಬಿಟ್ಟು
ನಡೆದೆಬಿಟ್ಟಿರುವೆನು ಗೆಲ್ಲುವೆನೆಂಬ ಛಲದಲ್ಲಿ