ಮುಂದೇನು ?

ಮಾತು ಮಾತಿಗೂ ಕೇಳುವೆಯಲ್ಲ
ಮುಂದೇನು.. ಮುಂದೇನು
ಮಾತನಾಡುವ ಎದೆಯ ಮೇಲೆಯೆ
ಒರಗಿರುವೆಯಲ್ಲ ಕೇಳಿಸದೆನು..
ಮನದ ಮಾತು

ಹೂವರಳಿ ಮುದುಡುವವರೆಗೂ..
ನಿನ್ನ ಕಂಗಳಿಂದ ನನ್ನ ಕಂಗಳನು
ಕಟ್ಟಿಹಾಕಿರುವೆ.. ಆದರೂ ಅರಿಯೇಯೆನು
ಕಣ್ಣಾಸೆಗಳನು...

ಸಂಜೆಗೆ ಸುಮವು ಬಾಡಿ ಹೋದರು
ನಿನ್ನಧರದ ಸುಮ ನನ್ನಧರಕೆ ಗಂಧವ
ತುಂಬುತಿರುವಾಗ ತಿಳಿಯದೆ ಇರುವೆಯೇನು
ತುಟಿಯಂಚಿನ ಮಾತನು..

ಸುಳಿಗಾಳಿಯೂ ಸುಳಿಯದ ಹಾಗೆ
ಬಂಧಿಯಾಗಿ ಈ ತೋಳುಗಳಲಿ
ತನುವೆಲ್ಲ ಬಿಸಿಯೇರಿದ್ದರೂ..
ಕೇಳುವೆಯಲ್ಲ ಮತ್ತೆ...ಮತ್ತೆ..
ಮುಂದೇನು..