ನೀನೆ ಅಲ್ಲವೆ

ಹೇಳದೆ ಕೇಳದೆ ಮನದ
ಕೋಟೆಯ ಆಕ್ರಮಿಸಿ
ಹೃದಯಸಿಂಹಾಸನವದಲಿ
ವೀರಾಜಿಸುತಿರುವವಳು
ನೀನೆ ಅಲ್ಲವೆ..

ದಿನವಿಡಿ ಮಾಡುವ ಕೆಲಸಗಳಲ್ಲಿ
ನೆನಪಾಗಿ ಕಾಡಿ ಕಾಡಿ ನನ್ನನ್ನು
ನಿನ್ನ ಮೋಹದಲಿ ಮಬ್ಬಾಗಿ
ಕುಳ್ಳರಿಸುವಂತೆ ಮಾಡುವವಳು
ನೀನೆ ಅಲ್ಲವೆ..

ಮನೆಯಲ್ಲಿ ರಾತ್ರಿಗೆ ಊಟಕ್ಕೆ
ಕುಳಿತಾಗ... ಅನ್ನದ ತಾಟಿನಲ್ಲಿ
ಉಣ್ಣದೆ ನಿನ್ನ ನೆನೆ ನೆನೆದು ಬೆರಳಾಡಿಸುತ
ಕುಳ್ಳರಿಸುವಂತೆ ಮಾಡಿದ್ದು
ನೀನೆ ಅಲ್ಲವೆ..

ರಾತ್ರಿಪೂರಾ.. ಈ ಕಂಗಳಿಗೆ
ನಿನ್ನ ನಗುವನು ಕಾವಲಿಟ್ಟು
ನಿದಿರೆಗಳನೆಲ್ಲವ ಗಧರಿಸಿ
ಬೆದರಿಸಿ ಹೊರಗಟ್ಟಿಬಿಟ್ಟು
ರಾತ್ರಿಯಿಡಿ ನಿನ್ನ ಜಪವ ಮಾಡುವ
ಹಾಗೆ ಮಾಡಿದವಳು
ನೀನೆ ಅಲ್ಲವೆ..

ಮಾತು ಮಾತಲೂ ನಿನ್ನ ಹೆಸರಿನ
ಪದಗಳನೆ ತುಂಬಿ... ಬದುಕಿನ
ಪುಟಗಳಲಿ ಬರೀ... ನಿನ್ನೊಲವನೆ
ತುಂಬಿದವಳು
ನೀನೆ ಅಲ್ಲವೆ