ನೀ... ನೋಡುವ ನೋಟ
ಕಾಮದ್ದೊ...? ಪ್ರೇಮದ್ದೊ...?
ನನಗೇನು ಗೊತ್ತೊ ?....ಮಲ್ಲ
ಆದರೂ... ಆ ಅಮಲುಗಣ್ಣಿಗೆ
ನಾ... ಸೋತಿರುವೆನಲ್ಲ..!!!
ನೀನೇನು...ನೀರೆಯರ ಸೀರೆಗಳನು
ಕದೆಯುವವನಲ್ಲ
ನನಗೂ... ಅರಿವಾಗದಂತೆ ಸದ್ದಿಲ್ಲದೆ
ನನ್ನ ಮನವ ಕದ್ದೆಯಲ್ಲ
ಅಮವಾಸೆಯ ಕತ್ತಲಲೂ...ಕಣ್ಣಲಿ
ಒಲವ ಚಂದ್ರನ ಬಿಂಬವ ತುಂಬಿದೆಯಲ್ಲ
ನನಗೆ ಗೊತ್ತು... ನೀನೆಂತಹ ಮಳ್ಳ
ಹಗಲಿರುಳುಗಳ ಸುಖವನೆ ಕದ್ದ ಕಳ್ಳ
ಬರೀಯ ಮಾತುಗಳಲೆ ನನ್ನನದೇಷ್ಟು
ಬೇಯಿಸುವೆಯಲ್ಲ...
ಆ ಕಣ್ಣ ಕಾಂತಿಯಿಂದಾದರೂ...
ತಣಿಸಬಾರೆಯಾ....ನಲ್ಲ
ಬಡಿದು...ಬಡಿದುಕೊಂಡು
ಕೆಂಪಗಾಗಿದೆ ಗಲ್ಲ
ಆ ತುಟಿಯಂಚಿಂದ ತಂಪಾಗಾಗಿಸು
ಬಾರೊ.. ನೀಡಿ ಒಂದು ಬೆಲ್ಲ
ನನಗೊಬ್ಬಳಿಗೆ ಗೊತ್ತು ನೀನು
ಎಲ್ಲರಂತವ...ನಲ್ಲ..
No comments:
Post a Comment