ಗುದ್ದಾಟ

ಮತ್ತದೆ ನೆನಪುಗಳು...

ಬಾಗಿಲ ಸಂದಿಯಿಂದ
ಬಗ್ಗಿ.. ಬಗ್ಗಿ.. ನೋಡುವ ಕಳ್ಳಿಯಂತೆ
ಏನೇ... ಕೊಟ್ಟರು ಹಿತವೆನಿಸದೆ ಮರಳಿ
ಕಾಡಿ... ಬೇಡಿ...ಬರುವ ಮಳ್ಳಿಯಂತೆ

ನನ್ನ ಸುತ್ತಲೆ ಸುಳಿದಾಡಿತಿವೆ..

ಸಹವಾಸವೇ.. ಸಾಕೆಂದು ಎದೆಯ
ಬಾಗಿಲ ಮುಚ್ಚಿ ಬೀಗ ಜಡಿದರೂ
ಇರುಳ ನಿದಿರೆಯ ಕಿಟಕಿಯ ಮೂಲಕ
ಮತ್ತೆ... ಮತ್ತೆ.... ಹರಿದು ಬರುವೆ

ಏಕೆ ನಿಮ್ಮಲಿ ಇಷ್ಟೊಂದು ಛಲ
ಅವಳ ನೆನಪುಗಳ ನೆನಪಿಸುವ ಹಂಬಲ
ತುಂಬಬಾರದೆ ಮನಕ್ಕೊಂದಿಷ್ಟು
ಅವಳ ವಿರಹ ಮರೆಸುವ ಬಲ

ನೀಲ ಬಾನ ತುಂಬ ಬರೀ..
ಕರಿಮೋಡಗಳ ಆರ್ಭಟವೇ....
ನನ್ನೆದೆಯ ಬಯಲು ತುಂಬ ಬರೀ..
ನಿನ್ನ ನೆನಪಗಳ ಗುದ್ದಾಟವೇ....