ಅವಳೊಲುಮೆ

ಅವಳ ಪ್ರೀತಿಯ ಕಡಲಲಿ
ನಾವಿಕನಾಗಲೆಂದೆ ಏನೋ..
ಈ ಪ್ರೇಮಲೋಕದಲಿ ನಾ
ಜನಿಸಿದ್ದು..

ಪ್ರೀತಿಯ ಬರ ಬಿದ್ದ ಬೀದಿಗಳಲಿ
ಇವಳ ಎನ್ನೆದೆಯ ಸಿಂಹಾಸನದಿ
ಆಸಿನಿಸಿ... ಹೊತ್ತು ತಿರುಗುವ ಪ್ರೇಮಿ
ಯಾಗಲೆಂದೊ ಏನೋ...
ಅವಳಿಗೆ ನಾ ದಾಸನಾಗಿದ್ದು..

ಒಣಗಿ ಕೊರಡಾಗಿ ನಿಂತಿದ್ದ
ಮನದ ಮರಕೆ.. ಪ್ರೀತಿಯ
ಚಿಗುರೆಲೆಗಳ ಜೀವವ ತುಂಬಲೆಂದೆ
ಬಂದ ಜೀವ ಗಂಗೆಯೇನೊ...

ಕನಸುಗಳೆ ಇಲ್ಲದ ಕಳೆಯುವ
ರಾತ್ರಿಗಳಿಗೆ ಹೊಸ ಕಲ್ಪನೆಗಳ
ಕತ್ತಲು ಹೊಲಕೆ ಬಿತ್ತಲು ಬಂದ
ದೇವತೆಯೇನೊ..

ಅವಳೊಂದು ಬದುಕಿಗೆ ಚಿಲುಮೆ
ಬಾಳ ಪಯಣದಲೊಂದು ಸುಂದರ ಪ್ರತಿಮೆ
ತೋರುತಿಹಳು ಅದೇಷ್ಟು ನನಗೆ ಒಲುಮೆ
ಇವಳ ಒಲವಿನಲಿ ನಾನೆಂದು ಆರದ ಕುಲುಮೆ