Monday, June 19, 2017

ತುಂಟ ಮಾತು

ತುಂಟು ಕಂಗಳ ತುಂಟಾಟದ ಹುಡುಗಿ
ನಿನಗೇನು ಗೊತ್ತು.. ಈ ಬಡವನೆದೆಯ
ಮಾತು.. ಶಾಲೆಯ ರಜೆಯಲ್ಲಿ ಓಡಾಡಿದ
ನಮ್ಮ ವಠಾರದ ಬೀದಿಗಳಿಗೆ ಗೊತ್ತು...
ನಾಗಪ್ಪನ ಕಟ್ಟೆಯ ಸುತ್ತ ಸುತ್ತಾಟ ಆಡುವಾಗ
ಆ ಜೋಡು ಕಲ್ಲುಗಳಿಗೆ ಗೊತ್ತು..
ಆಲದ ಮರದ ಕೆಳಗೆ ಬಾರಿ ಹಣ್ಣನ್ನು
ಮಾರುತ್ತಿದ್ದ ... ಮೊಗದ ತುಂಬ ಕರಿಯ
ಕಲೆಗಳ ಹೊತ್ತಿದ್ದ ಅಜ್ಜಿಗೆ ಗೊತ್ತು..
ಆ ಮರದ ಹಿಂದಿನ ಬಾವಿಯ ಕಟ್ಟೆಯ
ಮೇಲೆ ಕುಳಿತು ಶಾಲೆಯ ಉಪ್ಪಿಟ್ಟಿನ
ಮೇಲೆ ಹಾಕಿದ ಖಾರಕೆ ಗೊತ್ತು..
ಚೌತಿಯಲ್ಲಿ ನಿನ್ನ ಗೆಳತಿಯರೊಡಗೂಡಿ
ಸಾರ್ವಜನಿಕ ಗಣಪನ ನೋಡಲಿಕ್ಕೆ
ಹೋದಾಗ ನಿನ್ನ ಹಿಂದಿಂದೆಯೆ ಅಲೆದದ್ದು
ನಿನ್ನ ಜಡೆಯ ಹೂವಿಗೆ ಗೊತ್ತು..
ಯೌವ್ವನಕೆ ಬಂದಾಗ... ನಿನಗೆಂದೆ
ಕದ್ದು ಮುಚ್ಚಿ ತಂದು ಕೊಟ್ಟ ಸಿಹಿಯಲ್ಲಿ
ಅಡಗಿತ್ತು..
ಕಾಲೇಜಿನ ಪ್ರವಾಸದಲ್ಲಿ .. ಉದ್ಯಾನವನದಲ್ಲಿ
ಊಟಕ್ಕೆ ಕುಳಿತಾಗ ನಿನಗೆ ಕೊಟ್ಟ ಪಲಾವ್ ದ
ಡಬ್ಬಿಯಲ್ಲಿತ್ತು...
ಕಾಲೇಜಿನ ಬೀಳ್ಕೊಡುಗೆಯ ಸಮಾರಂಭದಲ್ಲಿ
ನಿ... ಸೀರೆಯಲಿ ದೇವತೆಯಂತೆ ಕಂಡಾಗ
ಅವರಿವರು ನಿನ್ನಂದದ ಬಗ್ಗೆ ಮಾತನಾಡುವಾಗ
ನನ್ನ ಚಡಪಡಿಕೆಯಲ್ಲಿ ಅದು ನಲುಗಿತ್ತು
ಕೊನೆಯವರೆಗೂ.. ಉಳಿದೆ ಹೊಯ್ತು
ಮನಸಿನ ಮಾತು
ತುಂಟು ಕಂಗಳ.. ತುಂಟು ಚೆಲುವೆಯ
ತುಂಟ ನಗುವಲಿ ಮರೆತೆಹೋಯ್ತು
ಆ ತುಂಟಿಗೆ ಹೇಳುವ ಎರಡು ತುಂಟು ಮಾತು

No comments:

Post a Comment