ಪ್ರೀತಿಯ ಬೆಳೆಗೆ

ನೀನಿಲ್ಲದೆ ಒಂಟಿಯಾಗಿದೆ ಮನ
ನಗುವಿಲ್ಲದೆ ಚಡಪಡಿಸಿದೆ ಈ ದಿನ
ಗಂಧವಿಲ್ಲದೆ ಅರಳಿ ನಿಂತಂತಾಗಿದೆ ಪ್ರೀತಿ ಸುಮ
ಒಲವಿಲ್ಲದೆ ಸೊರಗಿ ಒಣಗಿದಂತಾಗಿದೆ ನನ್ನ ಪ್ರೇಮ

ಮಾತುಗಳು ನರಳುತಿವೆ ನಾಲಿಗೆಯಲ್ಲಿ
ಪದಗಳು ಸಾಯುತಿವೆ ಬರಹದಲ್ಲಿ
ನೀನಿಲ್ಲದಿರೆ ನನ್ನ ಸನಿಹದಲಿ
ಕಾದು ಕೂತಿದೆ ಹನಿಯೊಂದು ಕಣ್ಣಂಚಿನಲಿ

ಇದೇನಾ... ಅಮೃತವು ವಿಷವಾಗುವ ಘಳಿಗೆ
ಕುಳಿತಿರುವೆ ಅದೇಷ್ಟು ದೂರ ಬರಲಾರದೆ ಬಳಿಗೆ
ಭೂ ಒಡಲು ಕಾದಿಲ್ಲವೇನೆ ಮೋಡದ ಮಳೆಗೆ
ಎದೆಯಿದು ಪರಿತಪಿಸುತ್ತಿಲ್ಲವೇನೆ ನೀ ಬಿತ್ತುವ
ಪ್ರೀತಿಯ ಬೆಳೆಗೆ...